Fjallað er um náttúruhamfarir, orsakir þeirra, afleiðingar og náttúruvá sem af þeim hlýst fyrir manninn. Fjallað er um mismunandi tegundir náttúruhamfara og tekin dæmi úr sögunni og áhrif þeirra á umhverfi og samfélag manna skoðuð. Nemendur eru þjálfaðir í sjálfstæðum vinnubrögðum og vinna ýmist sjálfstætt eða saman í hópum þar sem áhersla er lögð á ábyrgð nemandans á eigin námsframvindu og mótun afstöðu til umhverfistengdra málefna.
JARÐ2AJ05(ms)
Nemandi skal hafa öðlast þekkingu og skilning á:
helstu hugtökum og viðfangsefnum tengt náttúruvá
innsýn í stofnanir og fyrirtæki sem vinna að vöktun og upplýsingagjöf um almannavarnir og náttúruvá
mismunandi tegundum náttúruhamfara
samfélagslegum og efnahagslegum áhrifum náttúruhamfara
Nemandi skal hafa öðlast leikni í að:
skilja tengsl náttúruhamfara og vísinda
skilja tengsl náttúruhamfara og umhverfismála
afla sér áreiðanlegra upplýsinga um almannavarnir, náttúruhamfarir og náttúruvá
nýta kunnáttu sína í jarðfræði og náttúruvísindum til að meta hættu á mismunandi svæðum
Nemandi skal geta hagnýtt þá almennu þekkingu og leikni sem hann hefur aflað sér til að:
skilja umræðu og hugtök tengd náttúruvá
rökstyðja og bera saman náttúruhamfarir, náttúruvá og umhverfismál
sýna ábyrgð í umgengni við náttúruna
nota þekkingu og umræðu um efni tengt náttúruvá til að tengja við sitt nærsamfélag
Gerð er grein fyrir námsmati og sundurliðun þess í námsáætlun.