Áfanginn er rökrétt framhald af FATA1HS05 þar sem nemendur læra dýpri tækni í fatagerð og fatahönnun. Það er lögð áhersla á hugmyndaöflun, þemaspjöld, skissuvinnu og tískuteikningar með skyggingum. Læra að vinna með flóknari snið, sniðhluta og sniðsauma. Læra að sauma kraga, vasa, rennilása og hnappagöt. Nemendur læra einnig nokkrar aðferðir í textíl skreytingum að þrykkja á efni, straulíma efni saman, teikna á efni og skreyta með saumavélinni t.d. lógó. Áhersla er líka lögð á endurvinnslu. Laga og breyta gömlum fötum í eitthvað nýtt. Nemendur sauma 2-3 flíkur á önn
FATA1HS05 (MS)
Nemandi skal hafa öðlast þekkingu og skilning á:
hugmyndaöflun, skissuvinnu og tískuteikningum með skyggingum
hvernig líkamsmál eru tekin og gerður samanburður við stærðartöflur
orðaforða greinarinnar til að geta notað skýringarmyndir og vinnulýsingar
uppbyggingu grunnsniða, einföldum sniðbreytingum og efnisþörf
flóknari útfærslum í saumtækni eins og sniðsaumum, vösum og rennilásum
mismunandi eiginleikum textílefna
Nemandi skal hafa öðlast leikni í að:
vinna hugmyndavinnu og koma hugmyndum sínum á blað
útfæra snið eftir eigin hugmyndum og málum, fara eftir verklýsingum og reikna efnisþörf
vinna á saumavélar og þekkja notagildi stillinga, saumavélafóta og saumavélanála
nýta sér möguleika í notkun og endurvinnslu textílefna
temja sér vönduð vinnubrögð við alla þætti vinnunnar
Nemandi skal geta hagnýtt þá almennu þekkingu og leikni sem hann hefur aflað sér til að:
vinna hugmyndir, skissa og vinna útfrá þeim skyggðar tískuteikningar
aðlaga grunnsnið að sínum hugmyndum
gera vinnuferlið frá hugmynd að fullunninni flík skipulega skil í vinnuskýrslu með teikningum og orðaforða greinarinnar
nota tölvur til upplýsingaöflunar
þekkja möguleika í endurvinnslu og umhverfisvitund á textílefnum
Gerð er grein fyrir námsmati og sundurliðun þess í námsáætlun.