Í áfanganum er fjallað um stærri iðntölvur og eiginleika þeirra. Einnig helstu gerðir íhluta iðntölvustýrina og forritun þeirra. Nemendur fá kennslu og þjálfun í forritun iðntölva og forritunartækja og herma í PC-tölvum. Farið er í ladder og uppsetningu skjámynda. Farið er yfir hvernig skjámyndir geta verið hluti af stýringum. Farið er í uppsetningu reikniblokka hliðrænna stýringa. Nemendur fá æfingu í að tengja ytri búnað við iðntölvu s.s. skynjara (hliðræna og stafræna).
RÖKV2SK05 og RÖKV3SF05
Nemandi skal hafa öðlast þekkingu og skilning á:
helstu minnisgerðum iðntölva og eiginleikum þeirra, vinnsluhraða og vinnsluferli iðntölva
öllum helstu skipunum stafrænnar- og einfaldrar hliðrænnar virkni
staf- og hliðrænum skynjurum
hvernig skjámyndir í iðntölvum virka
Nemandi skal hafa öðlast leikni í að:
hanna og forrita ýmsa sjálfvirka ferla með iðntölvum
forrita iðntölvur í ladder, virkniblokkum og flæðimyndum
tengja skynjara við iðntölvur
forrita einfaldar skjámyndir
Nemandi skal geta hagnýtt þá almennu þekkingu og leikni sem hann hefur aflað sér til að:
reikna út og vinna með hliðræna og stafræna ferla
setja upp, forrita og tengja iðntölvur við ytri búnað
Námsmat er útfært í námsáætlun í samræmi við skólanámskrá.