Í áfanganum er fjallað um stærri samsettar iðntölvur, eiginleika þeirra og tengingar við skjámyndakerfi. Nemendur fá kennslu og þjálfun í forritun iðntölva með ladder auk ýmissa hjálpartækja svosem reikniblokkum og breytiblokkum. Nemendur nota hliðræna innganga og útganga og læra að láta hliðræna útganga stjórna hraðabreytum. Nemendur forrita flóknari skjámynir. Þá fá nemendur æfingu í að tengja ytri búnað við iðntölvu.
RÖKV3HS05
Nemandi skal hafa öðlast þekkingu og skilning á:
öllum helstu skipunum stafrænnar - og hliðænnar virkni
möguleikum í samtengingu iðntölva og skjámynda
aðgerðaskjám og notkun þeirra
tengingum við hraðabreyta
reikniaðgerðum í forritun
notkun hliðrænna útganga
Nemandi skal hafa öðlast leikni í að:
forrita iðntölvur í ladder og virkniblokkum
forrita minni skjámyndakerfi
tengja iðntölvur við ytri búnað s.s. skynjara og skjái
Nemandi skal geta hagnýtt þá almennu þekkingu og leikni sem hann hefur aflað sér til að:
hanna stýringar
vinna með hliðræn og stafræn merki
hanna og vinna með skjámyndir
tengja saman iðntölvur og skjámyndakerfi
Námsmat er útfært í námsáætlun í samræmi við skólanámskrá.