Í áfanganum fást nemendur við forritun í víðara samhengi en í fyrri áföngum. Farið er nánar í smíði og hönnun forrita með myndrænum notendaskilum. Haldið er áfram að vinna með strengi, slaufur, fylki, lista og skráarvinnslu. Farið í hlutbundna forritun. Nemendur fá kynningu á myndrænni framsetningu sem hægt er að nýta til tölvuleikjagerðar. Lögð er mikil áhersla á að nemendur verði sjálfstæðir í vinnubrögðum og að þeir læri að afla sér þekkingar á netinu. Nemendur velja sér sjálfir áhugasvið og afla sér þekkingar innan þess til að geta hannað og búið til flóknari forrit.
Forritun 2
Nemandi skal hafa öðlast þekkingu og skilning á:
hönnun forrita.
uppsetningu og uppbyggingu forrita.
hlutbundinni forritun.
myndrænu notendaviðmóti.
hvernig vinnutilhögun á forriti fer fram allt frá hugmyndavinnu til lokaafurðar.
villugreiningu forrita.
Nemandi skal hafa öðlast leikni í að:
fá hugmyndir að forritum.
hanna forrit.
setja saman langan forritunarkóða.
búa til myndrænt notendaviðmót.
afla sér þekkingar á netinu.
finna villur í forritum og laga þær.
setja upp forrit á læsilegan hátt með góðum skýringartexta.
nota öguð og vönduð vinnubrögð.
Nemandi skal geta hagnýtt þá almennu þekkingu og leikni sem hann hefur aflað sér til að:
smíða aðlaðandi notendaviðmót, búa til sinn eigin tölvuleik og hannað og útbúa sitt eigið forrit. Hæfni nemenda er metin með hóp- og einstaklingsverkefnum, umræðum í tímum og kynningum.
prófa önnur forrit og finna út hvort virkni þess sé í samræmi við það sem til var ætlast, auk þess að bregðast rétt við atvikum sem upp kunna að koma við forritun og vita hvert á að snúa sér í upplýsingaleit. Hæfnin er metin með hóp- og einstaklingsverkefnum, kynningum og umræðum í tíma.
Áfanginn er símatsáfangi og byggir matið á stærri og smærri hóp- og einstaklingsverkefnum, kynningum og umræðum í tíma.