Þessi áfangi kynnir sálfræði sem fræðigrein, eðli hennar, sögu, þróun og helstu rannsóknir og viðfangsefni. Fjallað verður um hvers konar fræðigrein sálfræðin sé og hvernig hún tengist daglegu lífi fólks. Kynntar verða helstu stefnur og hugtök, helstu viðfangsefni, kenningar um nám og minni ofl. Skoðað verður hvað sálfræðingar gera og hvernig þeir vinna með orsakaþætti hegðunar, hugsunar og tilfinninga. Hvað gerir okkur að þeirri manneskju sem við erum? Hvað mótar sjálfsmynd okkar?
FÉLV1if05 og ÍSLE2mg05
Nemandi skal hafa öðlast þekkingu og skilning á:
þróun fræðigreinarinnar sálfræði
grundvallarhugmyndum sem móta kenningar í sálfræði
helstu frumkvöðlum í greininni
víðfeðmi sálfræðinnar og helstu undirgreinum hennar
hagnýtu gildi sálfræðinnar og mótunaröflum einstaklinga og hópa
leiðum sálfræðinnar til að skýra hugsun, hegðun og tilfinningar manneskjunnar
helstu kenningum um nám og minni og taugalífeðlisfræði hegðunar
Nemandi skal hafa öðlast leikni í að:
lesa í og skilja umfjöllun um helstu hugmyndir sem mótað hafa sálfræðina
beita algengustu hugtökum sálfræðinnar á skýran og skilmerkilegan máta
skoða eigin hegðun og annarra út frá grundvallarhugmyndum sálfræðinnar
skoða eigin hugsun og tilfinningar út frá grundvallarhugmyndum sálfræðinnar
tjá kunnáttu sína á munnlegan og skriflegan hátt
vinna með fræðilegar heimildir og nota APA kerfið í heimildavinnu
Nemandi skal geta hagnýtt þá almennu þekkingu og leikni sem hann hefur aflað sér til að:
gera sér grein fyrir mótunaráhrifum umhverfis á sjálfan sig og aðra
gera sér grein fyrir samspili hegðunar, hugsunar og tilfinninga
geta með einföldum hætti yfirfært sálfræðilega þekkingu á sína eigin sjálfsmynd
tjá sig skipulega og gagnrýnið um einstaka efnisþætti
afla upplýsinga, greina aðalatriði frá aukaatriðum og nýta upplýsingarnar
geta framkvæmt einfalda rannsókn og áttað sig á helstu niðurstöðum