Markmið áfangans er að skapa vettvang fyrir hugmyndavinnu, lausnaleit og nýsköpun með því að skoða möguleika stafrænnar hönnunar með umhverfissjónarmið og sjálfbærni að leiðarljósi. Unnið er með sjónræna þætti eins og teikningu, liti og form, rannsóknir á umhverfi og samfélagi og út frá viðmiðum og tækifærum í atvinnulífinu. Nemendur nota hönnunarforrit og skoða og þjálfa viðmót og helstu verkfæri þess.
Farið er í gegnum vinnuferli stafrænnar fatahönnunar og kynntar leiðir til að þjálfa og ná leikni í tískuteikningu og flötum vector-vinnuteikningum. Áhersla er á persónulega sýn í verkefnavinnu.
Nemandi skal hafa öðlast þekkingu og skilning á:
ábyrgð og sjálfbærni í fatahönnun
helstu aðgerðum hjá hönnuðum og fyrirtækjum til að sporna gegn sóun
viðmóti og helstu verkfærum forritsins
hvernig tvívídd yfirfærist í þrívídd í forriti
helstu málsetningum í sníðagerð
fjölbreyttri hugmyndavinnu
aðferðafræði hönnunar
stafrænu hönnunarferli með það markmið að draga úr vistsporum í tískuheiminum
Nemandi skal hafa öðlast leikni í að:
nota forrit til að beita grunnfærni í tískuteikningu
nota forrit til að teikna snið með vector-vinnuteikningum
flokka og vista verkefni á aðgengilegan hátt
skipuleggja verkferla í forritinu
taka líkamsmál og yfirfæra á stafrænt Avatar
sjá fyrir sér hugmynd og útfæra hana í máli og myndum
Nemandi skal geta hagnýtt þá almennu þekkingu og leikni sem hann hefur aflað sér til að:
sýna sjálfstæði í vinnubrögðum
sýna frumkvæði og frumlega útfærslu í verkefnavinnu
sauma einfaldar flíkur á stafrænu formi
geta tjáð sig á skýran og ábyrgan hátt um eigin verk og annarra
Í áfanganum er viðhaft leiðsagnarmat með símati yfir áfangann. Öll vinna, þátttaka og verkefni í áfanganum gilda til einkunnar