Það kom upp villa senda inn  Áfangi

    Áfangi Nánari upplýsingar


    Búið til: 1677497026.65

    Umhverfismál og sjálfbærni - heimsmarkmið
    UMHV1SU05
    13
    umhverfisfræði
    sjálfbærni og umhverfi
    Samþykkt af skóla
    1
    5
    Í áfanganum er fjallað um umhverfismál og sjálfbærni. Heimsmarkmið Sameinuðu þjóðanna eru lögð til grundvallar ásamt umhverfisverkefninu Skólar á grænni grein á vegum Landverndar. Nemendur nýta sér þætti umhverfisstjórnunarkerfis sem verkefnið Skólar á grænni grein byggir á. Nemendur ganga þar í gegnum sjö skref umhverfisstjórnunar, sem er alþjóðlega viðurkennd aðferð og notuð um allan heim. Nemendur velja sér jafnframt þema til að vinna með af þeim þemum sem í boði eru innan verkefnisins. Í áfanganum er hugtakið geta til aðgerða haft að leiðarljósi. Í getu til aðgerða er lýðræðislegum vinnubrögðum beitt í námi svo nemendur geti haft áhrif á hvernig, hvenær, hvar og hvað þeir læra. Einnig felst í því að virkja nemendur til aðgerða innan skólans eða síns nærsamfélags.
    Nemandi skal hafa öðlast þekkingu og skilning á:
    • umhverfisstjórnun
    • stöðu umhverfismála
    • mikilvægi samvinnu í umhverfismálum
    • sjö skrefum umhverfisstjórnunar (Skólar á grænni grein)
    • alþjóðlegri samvinnu varðandi umhverfismál
    • tengslum milli umhverfis, hegðunar neytenda og mannréttinda
    • fjölbreyttum leiðum einstaklings til vistvænna lifnaðarhátta
    Nemandi skal hafa öðlast leikni í að:
    • vinna með sjö skref umhverfisstjórnunar
    • lesa efni um umhverfismál á gagnrýninn hátt
    • vinna saman í umhverfismálum
    • velja vistvæna kosti umfram síður vistvæna, meðal annars með því að nýta umhverfismerkingar á vörum
    • flokka, endurnýta og endurvinna til að minnka umhverfisáhrif
    • útskýra og beita hugtakinu sjálfbærni
    • ræða og rökstyðja hvernig mannréttindi, hagkerfi og umhverfisvernd tengjast sjálfbærni
    Nemandi skal geta hagnýtt þá almennu þekkingu og leikni sem hann hefur aflað sér til að:
    • beita sjö skrefum umhverfisstjórnunar
    • hafa áhrif á nærsamfélag
    • skilja umræðu og hugtök tengd umhverfismálum
    • geta tekið virkan þátt í umræðu um ákvarðanatöku um nýtingu náttúruauðlinda
    • taka ábyrga og gagnrýna afstöðu til umhverfismála og rökstyðja þá afstöðu
    • sýna ábyrgð í eigin umgengni við náttúruna
    • öðlast heildstæða mynd af vanda sem ógnar framtíð jarðar og mikilvægi alþjóðahyggju í þessum málaflokki
    • vera meðvitaður og gagnrýninn neytandi
    • átta sig á áhrifum hvers einstaklings sem neytanda á umhverfi og samfélög
    • taka þátt í nýsköpun sem leiðir til sjálfbærni
    • minnka umhverfisáhrif sín með því að velja umherfisvænar vörur, draga úr sóun og endurnýta eða endurvinna það sem hægt er á skapandi hátt
    • ræða og túlka á gagnrýninn hátt upplýsingar sem tengjast umhverfismálum
    • vera virkur og ábyrgur þátttakandi í umræðu um umhverfismál
    Í áfanganum er viðhaft símat alla önnina. Öll verkefni gilda til einkunnar og þess vegna er það mikilvægt að nemendur stundi námið reglulega.