Í áfanganum er fjallað um sögulegt samband Íslands og Danmerkur. Undirbúin er ferð til Kaupmannahafnar sem farin verður um miðja önn. Þar verða heimsóttir staðir sem tengjast sameiginlegri sögu landanna. Einnig er fjallað um alþjóðasamvinnu og mismunandi menningarheima sem nemendur fá tækifæri til að kynnast í ferðinni.
Nemandi skal hafa öðlast þekkingu og skilning á:
sögulegu sambandi Íslands og Danmerkur í grófum dráttum
helstu persónum sem hafa mótað sameiginlega sögu landanna
hlutverk Íslands í alþjóðasamvinnu
mikilvægi mismunandi menningarheima
mikilvægi gagnrýninnar hugsunar
Nemandi skal hafa öðlast leikni í að:
nýta sér margmiðlunarefni við öflun upplýsinga
vinna einn og í hópum
skipuleggja vettvangsferð á staði í Kaupmannahöfn sem tengjast sögu, menningu Íslands til að kynnast þeim að eigin raun
kynna staði og/eða fyrirbæri sem tengjast sögu, menningu og stjórnkerfi fyrir öðrum
undirbúa og taka þátt í fjölmenningarlegum samskiptum í Kaupmannahöfn
ræða við fólk með mismunandi menningarbakgrunni
kynna fjölmenningu
Nemandi skal geta hagnýtt þá almennu þekkingu og leikni sem hann hefur aflað sér til að:
fjalla um sameiginlega sögu Íslands og Danmerkur
fjalla um mikilvægi mismunandi menningarheima
flytja fjölbreytilegar kynningar tengdar viðfangsefninu fyrir framan hópa
gera kynningarmyndbönd og fræðsluefni fyrir vef
skila af sér vel uppsettu rituðu efni
Í áfanganum er viðhaft leiðsagnarmat með símati yfir áfangann. Öll vinna, þátttaka og verkefni í áfanganum gilda til einkunnar