Viðfangsefni áfangans er helstu greinar sundíþróttarinnar og er áfanginn að mestu verklegur þar sem áhersla er lögð á hreyfingu í vatni. Í áfanganum er farið í grunnatriði helstu greina og þau þjálfuð. Einnig prófa nemendur herþjálfun í vatni, sundleikfimi, sund-fitness og vatnapóló. Efni tengt viðfangsefnum er sett á kennsluvef og nemendur vinna fjölbreytt verkefni, bæði verkleg og bókleg, ýmist einir eða í hóp undir leiðsögn kennara.
Nemandi skal hafa öðlast þekkingu og skilning á:
einföldum þjálfunaraðferðum helstu greina í sundi
grunnatriðum helstu greina í sundi
reglum helstu keppnisgreina í sundi
Nemandi skal hafa öðlast leikni í að:
iðka sundíþróttina
framkvæma upphitun sem hentar mismunandi greinum íþróttarinnar
framkvæma æfingar til að bæta getu sína í helstu greinum íþróttarinnar
Nemandi skal geta hagnýtt þá almennu þekkingu og leikni sem hann hefur aflað sér til að:
iðka sund og nýta það sem hreyfingu og keppa ef vill
geta tekið þátt í umræðu um helstu greinar íþróttarinnar
geta horft á keppni í sundi og áttað sig á framgangi hennar
Í áfanganum er viðhaft leiðsagnarmat með símati alla önnina. Öll verkefni gilda til einkunnar. Nemendur þurfa að uppfylla skilyrði um mætingu og virkni í tímum. Áfanginn er metinn út frá verkefnaskilum, mætingu, virkni, færni og áhuga.