Í þessum áfanga er staða kynjanna og staðalímyndir þeirra í samfélaginu skoðuð. Jafnréttismál varða alla, enda er kynferði eitt af því sem skapar margbreytileika mannlífsins, rétt eins og uppruni, aldur, kynhneigð, stétt og fleiri félagslegir áhrifaþættir. Birtingarmyndir kynjamisréttis og annars félagslegs misréttis eru ræddar og einnig áhrif þess á persónulega hamingju og félagslega velsæld. Meðal efnisþátta eru; kyn, kynhlutverk, kyngervi, kynvitund, kynhneigð, samfélagsmiðlar, mörk, virðing, staðalmyndir, klám, ofbeldi, mansal,vændi og fleira þessu tengt.
FÉLV1if05
Nemandi skal hafa öðlast þekkingu og skilning á:
uppruna og þróun kynjafræðinnar sem fræðigreinar
að jafnréttismál varði öll kyn og allt samfélagið
helstu aðferðum, hugtökum og viðfangsefnum kynjafræðinnar
stöðu kynja í samfélögum nær og fjær
áhrifum staðalímynda og kynhlutverka á einstaklinginn
áhrifum kynjabreytunnar á vinnumarkað og neysluvenjur
áhrifum kynjabreytunnar í fjölmiðlum og fræðum
áhrifum kynjamisréttis í samfélaginu þ.á.m. klámi, mansali og vændi
áhrifum kynjamisréttis á ofbeldi og kynheilbrigði
helstu hugmyndum og sjónarhorni hinseginfræða
Nemandi skal hafa öðlast leikni í að:
beita kynjagleraugum á félagslegan veruleika
beita helstu hugtökum kynjafræðinnar
fjalla um áhrif kynjakerfisins á samfélagið
fjalla um goðsagnir um kyn og kynhlutverk
afla upplýsinga, greint þær og sett þær fram í fræðilegu samhengi
Nemandi skal geta hagnýtt þá almennu þekkingu og leikni sem hann hefur aflað sér til að:
átta sig á áhrifum kynjakerfisins á sjálfan sig og aðra
geta tekið þátt í rökræðum um stöðu kynjanna
átta sig á siðferðilegum álitamálum tengdum jafnrétti kynjanna
taka þátt í samfélaginu og fjölskyldunni með jafnrétti að leiðarljósi