Orðið mentor er alþjóðlegt og er notað um einhvern sem leiðbeinir og deilir þekkingu með öðrum jafningjum. Áfanginn er ætlaður fyrir nemendur sem eru mentorar með samnemendum sínum sem eru nýfluttir til Íslands og tala litla íslensku. Hugmyndin er að mentorinn verði samnemanda sínum fyrirmynd og veiti honum stuðning, bæði í að læra íslensku og að tengjast skólasamfélaginu en einnig við þátttöku í félagslífi nemenda. Tengslin sem myndast milli mentors og samnemanda hans geta aukið möguleika nemenda sem tala litla íslensku til að aðlagast skólasamfélaginu. Áhersla er lögð á gagnkvæman ávinning mentorsins og samnemanda hans sem og hagsmuni skólasamfélagsins í heild af því að nemendur kynnist og læri af aðstæðum hvers annars.
Engar
Nemandi skal hafa öðlast þekkingu og skilning á:
Mentorhlutverkinu og hugmyndafræði verkefnins
mikilvægi fyrirmynda í aðlögun að skólasamfélaginu
meðferð trúnaðarupplýsinga
Nemandi skal hafa öðlast leikni í að:
skipuleggja samverustundir
leita lausna í samvinnu við aðra
meta eigin frammistöðu
Nemandi skal geta hagnýtt þá almennu þekkingu og leikni sem hann hefur aflað sér til að:
hafa frumkvæði að samveru með öðrum einstaklingum í verkefninu
vera jákvæð fyrirmynd hvað varðar félagsfærni og samskiptafærni
geta átt uppbyggileg samskipti
Námsmat er útfært í kennsluáætlun í samræmi við skólanámskrá