Fjallað er um stríðsátök í sögunni, orsakir stríða, afleiðingar þeirra, hugmyndafræðin sem liggur að baki þegar friður tapast og átök hefjast. Kenningar um mannlega náttúru í samhengi við vopnuð átök koma við sögu. Helstu stríðsátök sögunnar er á dagskrá, þróun herfræði og vopna og hvernig skoðanir á stríðsátökum breytast er nær dregur samtíma. Sjónum verður beint að konum í stríði, andófi gegn stríði og afstöðu almennings. Yfirstandandi stríðsátök hverju sinni eru eftir atvikum tengd viðfangsefninu.
SAGA2MS05
Nemandi skal hafa öðlast þekkingu og skilning á:
sögu stríðsátaka
hernaðartækni og þróun hennar
helstu tegundum stríða
afleiðingum stríða
friðarferli að stríði loknu
Nemandi skal hafa öðlast leikni í að:
greina hvað liggur að baki stríðum
greina milli ólíkra stríðsátaka
fást við frumheimildir og greina þær
vinna með heimildir í APA kerfinu
Nemandi skal geta hagnýtt þá almennu þekkingu og leikni sem hann hefur aflað sér til að:
greina orsakir og afleiðingar stríðsaátaka
tengja saman stríðsátök og stjórnmál
velta fyrir sér málstað stríðs, getur stríð verið réttlætanlegt
reyna að greina á milli áróðurs og staðreynda, sbr. ,,fyrsta fórnarlamb stríðs er sannleikurinn”