Í áfanganum er fjallað um geðsálfræði og flokkanir geðraskana. Lögð er áhersla á að nemendur átti sig á samspili sálfræðilegra, félagslegra og líffræðilegra þátta í geðröskun. Til að auka skilning á líffræðilegum og læknisfræðilegum þáttum er starfsemi heilans og þáttur taugaefna í líðan og geðröskun kynnt. Einnig er lögð áhersla á að nemendur geti tengt efnið við eigin geðheilsu og líðan. Í því samhengi er nánar fjallað um streitu í daglegu lífi og þau áhrif sem hún getur haft á geðheilsu einstaklings.
FÉLV2AF05 eða ÍSLE2MG05
Nemandi skal hafa öðlast þekkingu og skilning á:
einkennum mismunandi geðraskana
kenningum um mögulegar orsakir geðraskana
algengustu meðferðarúrræðum
helstu hugtökum og kenningum í geðsálfræði
framlagi geðsálfræðinnar innan sálfræðinnar og til samfélagsins í heild
Nemandi skal hafa öðlast leikni í að:
beita hugtökum og kenningum í geðsálfræði í ræðu og riti
afla upplýsinga, greina þær og setja í fræðilegt samhengi
lesa og nýta fræðilegan texta á íslensku og erlendum tungumálum
miðla fræðilegu efni skýrt og skilmerkilega í ræðu og riti
nota APA kerfið við skrif ritgerða og verkefna
geta með einföldum hætti yfirfært sálfræðilega þekkingu á eigin sjálfsmynd
Nemandi skal geta hagnýtt þá almennu þekkingu og leikni sem hann hefur aflað sér til að:
vinna úr rannsóknargögnum og leggja á þau mat
geta beitt gagnrýnninni hugsun og tekið þátt í rökræðum um málefni sem tengjast áfanganum
geta hagnýtt og yfirfært efni áfangans á eigin geðheilsu og daglegt líf
tjá sig skipulega á gagnrýninn hátt um einstaka efnisþætti