Í áfanganum eru nemendur þjálfaðir í ólíkum gerðum ritsmíða og ýmsu sem tengist málnotkun og tjáningu. Nemendur rifja upp helstu hugtök bókmenntafræði og bragfræði sem og helstu stafsetningarreglur, málfræðihugtök og grunnatriði setningafræði. Í áfanganum lesa nemendur smásögur, skáldsögu, Íslendingaþætti og ljóð sem og annað efni sem stuðlar að aukinni lestrarfærni og getu til túlkunar. Nemendur styrkja eigin málfærni með því að flytja efni í ræðu og riti.
Fyrir nemendur sem fá C á grunnskólaprófi eða hafa klárað ÍSLE1UA05.
Nemandi skal hafa öðlast þekkingu og skilning á:
málfræðihugtökum og ritreglum sem nýtast í tal- og ritmáli
mismunandi tegundum bókmennta og grunnhugtökum í bókmenntafræði
helstu hugtökum er tengjast ritun
Nemandi skal hafa öðlast leikni í að:
rita vel uppbyggðan texta
nota viðeigandi hjálpargögn við frágang ritsmíða
nýta málfræðihugtök og ritreglur til að efla eigin málfærni
lesa sér til gagns og gamans nytjatexta og bókmenntaverk frá ýmsum tímum og fjalla um inntak þeirra á fræðilegan hátt
flytja af nokkru öryggi ræður, endursagnir, lýsingar og kynningar á tilteknum málefnum
Nemandi skal geta hagnýtt þá almennu þekkingu og leikni sem hann hefur aflað sér til að:
vinna í tengslum við námsefnið og sýna nokkur tilbrigði í málnotkun
beita skýru og blæbrigðaríku máli í ræðu og riti
taka þátt í málefnalegum umræðum, byggja upp skýra röksemdafærslu, tjá afstöðu og efasemdir um efnið og komast að niðurstöðu
styrkja eigin málfærni með því að nýta sér málfræðiupplýsingar og ritreglur