Nemendur kynna sér heim og hugmyndafræði nýrra sagna jafnt sem fornbókmennta. Fjallað er um helstu þætti málsögu og einnig er ítarleg umfjöllun um goðafræði. Nemendur eru þjálfaðir í gerð heimildaritgerða og læra ýmislegt um frágang ritaðs máls auk þess sem farið er áfram yfir helstubókmenntahugtök og stafsetningarreglur. Ætlast er til að nemendur geti flutt mál sitt á skýran og skilmerkilegan hátt.
Fyrir nemendur sem hafa fengið A eða B á grunnskólaprófi eða hafa klárað ÍSLE1UN05.
Nemandi skal hafa öðlast þekkingu og skilning á:
helstu þáttum íslenskrar málsögu
helstu hugtökum í ritgerðasmíð og gerð heimildaritgerða
mismunandi tegundum bókmennta og norrænni goðafræði
Nemandi skal hafa öðlast leikni í að:
rita ritgerðir þar sem hann beitir gagnrýninni hugsun og kemur skoðunum sínum á framfæri á skýran og greinargóðan hátt
draga saman og nýta upplýsingar úr ýmiss konar heimildum og flétta saman við eigin viðhorf og ályktanir á faglegan og heiðarlegan hátt
lesa sér til gagns og gamans nytjatexta og bókmenntaverk frá ýmsum tímum og fjalla um inntak þeirra
skilja og nota algeng stílbrögð í tal- og ritmáli
flytja af nokkru öryggi ræður, endursagnir, lýsingar og kynningar á tilteknum málefnum
Nemandi skal geta hagnýtt þá almennu þekkingu og leikni sem hann hefur aflað sér til að:
vinna í tengslum við námsefnið og sýna töluverð tilbrigði í málnotkun
styrkja eigin færni í að nota heimildir á réttan hátt
beita skýru og blæbrigðaríku máli í ræðu og riti
túlka bókmenntatexta frá ýmsum tímum
taka þátt í málefnalegum umræðum, byggja upp skýra röksemdafærslu, tjá afstöðu og efasemdir um efnið og komast að niðurstöðu