Bætt er við orðaforða- og málfræðiþekkingu og áfram unnið með tal, hlustun, ritun og lestur í samræmi við færnimarkmið áfangans. Nemendur æfast munnlega og skriflega í að ákvarða stefnumót, skipuleggja frítíma, gefa upp tímasetningar, tjá skoðun sína, tala um kaup og kjör í verslunum, spyrja og vísa til vegar, gefa upp staðsetningar, gefa og þiggja ráð, boð og bönn og tala um liðna atburði.
Nemendur öðlast aukna innsýn í menningu og siði þýskumælandi svæða.
ÞÝSK1GR05
Nemandi skal hafa öðlast þekkingu og skilning á:
orðaforða í samræmi við öll helstu hæfni- og leikniviðmið áfangans
grundvallarþáttum þýska málkerfisins
grunnþáttum í menningu þýskumælandi landa
Nemandi skal hafa öðlast leikni í að:
skilja talað mál um kunnugleg efni þegar talað er hægt og skýrt
fylgja fyrirmælum á þýsku og skilja kveðjur og kurteisisávörp
skilja einfalda texta af ýmsum toga
taka þátt í einföldum samræðum um efni sem hann þekkir og tengist honum sjálfum og geta beitt kurteisis- og málvenjum við hæfi
beita helstu reglum áfangans um málnotkun í ræðu og riti
beita viðeigandi námstækni í tungumálanáminu og nýta sér hjálpargögn
nota sjálfstæð og viðeigandi vinnubrögð í tungumálanámi
Nemandi skal geta hagnýtt þá almennu þekkingu og leikni sem hann hefur aflað sér til að:
greina einfaldar upplýsingar í mæltu máli
eiga einföld samskipti á þýsku við ákveðnar aðstæður
tala um sjálfan sig og aðra og ýmsar aðstæður daglegs lífs í ræðu og riti á einfaldan hátt
vinna úr ýmsum textum á mismunandi hátt eftir efni og eðli textans og tilganginum með lestrinum