Að mestu er lokið við að fara yfir grundvallarþætti þýsks málkerfis og nemendur dýpka því verulega þekkingu sína á því. Nemendur auka orðaforða með lestri texta af ýmsum toga. Nemendur læra m.a. að lýsa umhverfi og fólki, gera grein fyrir liðnum atburðum og daglegum venjum. Nemendur lesa einfalda skáldsögu eða smásögur. Nemendur fá aukna innsýn í menningarheim þýskumælandi svæða og vinna menningartengt heimildaverkefni.
ÞÝSK1FR05
Nemandi skal hafa öðlast þekkingu og skilning á:
almennum orðaforða í samræmi við hæfni- og leikniviðmið áfangans
helstu reglum um framburð og hljómfall
grundvallarþáttum þýska málkerfisins
menningu og þjóðfélagi þýskumælandi svæða í samanburði við Ísland
Nemandi skal hafa öðlast leikni í að:
skilja talað mál um kunnugleg efni þegar talað er hægt og skýrt
fylgja einföldum fyrirmælum á þýsku
fylgja söguþræði í einföldum eða einfölduðum bókmenntatexta
halda stutta kynningu á undirbúnu efni
beita helstu reglum um málnotkun í ræðu og riti
beita viðeigandi námstækni í tungumálanáminu og nýta sér hjálpargögn
nota sjálfstæð og viðeigandi vinnubrögð í tungumálanámi
skilja fjölbreytta texta í takt við viðfangsefni áfangans sem festa í sessi og auka orðaforða
fylgja söguþræði í einföldum bókmenntatexta
Nemandi skal geta hagnýtt þá almennu þekkingu og leikni sem hann hefur aflað sér til að:
ná aðalatriðum úr einföldum frásögnum í fjöl- og myndmiðlum ef efnið er kunnuglegt
geta tekist á við ýmsar aðstæður í almennum samræðum á sjálfstæðari hátt en áður
segja frá eigin þekkingu, reynslu, áhugamálum, áformum, skoðunum og líðan í ræðu og riti
afla sér upplýsinga í textum um almenn efni upp á eigin spýtur
greina aðalatriðin í stuttum tímarits- eða blaðagreinum og draga ályktanir
lesa skáldskap af hæfilegu þyngdarstigi og tjá sig um efni hans í ræðu og riti