Berlín er hér til umfjöllunar. Saga borgarinnar er tekin fyrir, sjónum er beint að tímabilinu frá 1945 til dagsins í dag. Tekin eru fyrir dagleg samskipti á þýsku og nemendur vinna með ýmsar heimildir á þýsku og íslensku. Undirbúningur ferðar til Berlínar og verkefni í tengslum við ferðina. Þekktustu staðir borgarinnar eru heimsóttir undir leiðsögn kennara eða fararstjóra. Samþætting tveggja námsgreina að einhverju leyti þar sem rýnt er í sögu lands og þjóðar.
ÞÝSK1FR05
Nemandi skal hafa öðlast þekkingu og skilning á:
mannlífi og menningu í Berlín
sögu borgarinnar frá 1945 og hvernig sú saga endurspeglar sögu Evrópu
grunnorðaforða þýskunnar í samræmi við hæfni- og leikniviðmið áfangans
ólíkum textagerðum á þýsku, sem endurspeglast í fjölmiðlum og kvikmyndum
Nemandi skal hafa öðlast leikni í að:
afla sér hagnýtra upplýsinga og taka þátt í samræðum
skilja talað mál í algengum raunverulegum aðstæðum
segja frá á skýran hátt og halda stuttar kynningar á undirbúnu efni
skrifa samantekt um ferðina
nota upplýsingatækni og hjálpargögn við upplýsingaöflun og verkefnavinnu
Nemandi skal geta hagnýtt þá almennu þekkingu og leikni sem hann hefur aflað sér til að:
fjalla um efni sem hann hefur kynnt sér
tjá eigin skoðanir og upplifun, munnlega og skriflega
vera fullgildur félagi í hópi og takast á við mál sem upp geta komið á ferðalagi