Í áfanganum er lögð áhersla á að orðaforði og lesskilningur nemenda verði aukinn og hlustun og tal þjálfað. Þeir eiga að vera færir um að skilja tiltölulega einfalda, almenna texta. Nemendur eru þjálfaðir í framburði og farið er í gegnum undirstöðuatriði málfræðinnar. Dönsk menning er kynnt og áhugi á henni vakinn.
Fyrir nemendur sem fengu C á grunnskólaprófi eða hafa lokið DANS1GR05.
Nemandi skal hafa öðlast þekkingu og skilning á:
danska menningarsvæðinu
orðaforða sem nauðsynlegur er til að mæta hæfniviðmiðum áfangans
grundvallarþáttum málkerfisins
Nemandi skal hafa öðlast leikni í að:
skilja talað mál um kunnugleg einföld efni þegar talað er skýrt og áheyrilega
lesa ýmiss konar kunnuglegan og einfaldan texta
geta tjáð sig um einfalt efni sem hann þekkir
segja frá með því að beita orðaforða, málvenjum, framburði, áherslum og hljómfalli á sem réttastan hátt
skrifa einfaldan texta um efni sem hann þekkir eða hefur áhuga á
nýta sér upplýsingatækni og hjálpargögn í tungumálanámi
Nemandi skal geta hagnýtt þá almennu þekkingu og leikni sem hann hefur aflað sér til að:
fylgjast með einföldum frásögnum um almenn efni
lesa danskan texta af hæfilegu þyngdarstigi
leysa úr viðfangsefnum af þyngd sem hæfir áfanganum
þróa með sér aga, metnað, ábyrgð og jákvæðni í vinnubrögðum