Nemendur bæti markvisst við grunnþekkingu sína í tungumálinu og geti beitt því við æ fjölbreyttari aðstæður. Frásagnir í nútíð og þátíðunum tveimur eru æfðar munnlega og skriflega. Nemendur öðlast m.a. færni í að tala um nám og atvinnu, gefa ráð og leiðbeiningar, lýsa áfangastöðum og ferðalögum. Nemendur auka lesskilning sinn m.a. með því að lesa einfalda skáldsögu eða smásögur. Nemendur fá aukna innsýn í menningarheim frönskumælandi svæða og vinna menningartengt heimildaverkefni.
FRAN1FR05
Nemandi skal hafa öðlast þekkingu og skilning á:
almennum orðaforða í samræmi við hæfni- og leikniviðmið áfangans
öllum helstu reglum um framburð og hljómfall
fleiri grunnatriðum málkerfisins
menningu og þjóðfélagi frönskumælandi svæða á markvissari hátt en áður
Nemandi skal hafa öðlast leikni í að:
skilja talað mál um kunnugleg efni þegar talað er fremur hægt og skýrt
fylgja fyrirmælum á frönsku í kennslustundum
skilja ýmiss konar einfalda texta sem fjalla um viðfangsefni áfangans og festa í sessi og auka orðaforða
fylgja söguþræði í einföldum eða einfölduðum bókmenntatexta
taka þátt í frekar einföldum samræðum um efni sem hann þekkir og hefur áhuga á og geta beitt kurteisis- og málvenjum við hæfi
skrifa samfellda texta um ýmis kunnugleg efni
halda stutta kynningu á undirbúnu efni
beita helstu reglum um málnotkun
beita viðeigandi námstækni í tungumálanáminu og nýta sér hjálpargögn á sjálfstæðan hátt
nota sjálfstæð og viðeigandi vinnubrögð í tungumálanámi
Nemandi skal geta hagnýtt þá almennu þekkingu og leikni sem hann hefur aflað sér til að:
ná aðalatriðum í einföldum frásögnum úr fjöl- og myndmiðlum ef efnið er kunnuglegt
geta tekið þátt í samræðum í ákveðnum aðstæðum á sjálfstæðari hátt en áður
segja frá eigin þekkingu, reynslu, áhugamálum, áformum, skoðunum og líðan í ræðu og riti
afla sér upplýsinga upp á eigin spýtur úr textum um almennt efni
greina aðalatriðin í stuttum tímarits- eða blaðagreinum og draga ályktanir
lesa skáldskap af hæfilegu þyngdarstigi og tjá sig um efni hans í ræðu og riti