Unnið er viðamikið verkefni sem er eins konar lokaverkefni á Viðskipta- og hagfræðibraut sem gæti verið viðskiptáætlun, markaðsáætlun og/eða rannsókn fyrir fyrirtæki, stofnanir eða einstaklinga. Nýir markaðir verða rannsakaðir. Einnig munu nemendur fá yfirsýn yfir styrki og fjármögnunarmöguleikar fyrir frumkvöðla. Áhersla er lögð á virka þátttöku nemenda.
20 einingar í viðskiptagreinum.
Nemandi skal hafa öðlast þekkingu og skilning á:
viðskiptaumhverfinu, lögum og reglum
mikilvægi góðrar stjórnunar
markmiðasetningu og hversu mikilvægt er að setja sér markmið
gerð eigindlegra og megindlegra rannsókna
Nemandi skal hafa öðlast leikni í að:
setja sér markmið
nota heimildir á skipulegan hátt
beita áhrifaríkri stjórnun
taka ábyrgð og ákvarðanir
fá skýra framtíðarsýn
undirbúa og framkvæma krefjandi verkefni
Nemandi skal geta hagnýtt þá almennu þekkingu og leikni sem hann hefur aflað sér til að:
gera rannsókn fyrir/um fyrirtæki, stofnanir eða einstaklinga
hanna rannsókn frá grunni til lokaafurðar
sjá samhengi námsefnis undanfarinna anna og tengingu mismunandi námsgreina