Í áfanganum kynnast nemendur hugtakinu samfélagslistir og vinna verkefni tend sviðslistum út í samfélaginu. Einnig fá þeir innýn inn í ólíkar leiðir og listsköpun starfandi sviðslistafólks í landinu.
Vinnan gengur út á valdeflingu og að opna augu nemenda fyrir ólíkum leiðum í sviðsetningu. Mikil áhersla er lögð á að tengja nám nemenda út í samfélagið, bæði þeirra nærsamfélag og út í fagsamfélag sviðslistafólks. Áfanginn er tvískiptur. Í öðrum hlutanum vinna nemendur sjálfstætt að uppsetningum og verkum með ólíkum samfélaghópum í nærumhverfinu s.s. eldri borgurum, leikskólabörnum og/eða nemendum innan FG. Í hinum hluta áfangans læra nemendur trúðatækni og einnig fá nemendur kynningu á ólíkum fagstéttum sem starfa innan leikhússins og því víðtæka starfi sem þar fer fram.Listamenn úr ólíkum áttum gefa nemendum innsýn inn í vinnu sína og hugmyndir um hvernig hægt er að útfæra og sviðsetja verk á ólíkan hátt inn í samfélaginu.
LEIK2SL05
Nemandi skal hafa öðlast þekkingu og skilning á:
samfélagslistum
tækni trúðsins
hugtakinu valdefling
fræðilegum og sögulegum þætti samfélagsleikhúss
möguleikum í listsköpun með ólíkum samfélagshópum
starfi fagstétta í sviðslistum eins og leikstjóra, sviðshöfunda, handritahöfunda, leiksmynda- og búningahönnuða o.s.frv.
ólíkum leiðum við sviðsetningu út frá mismunandi sjónarhornum
þeim möguleikum sem leikhúsformið býður upp á
Nemandi skal hafa öðlast leikni í að:
vinna að listsköpun með ólíkum samfélagshópum
fjalla um og greina samfélagið í gegnum leiklist
vinna sviðsvinnu út frá tækni trúðsins
vinna að sviðsetningu með leikhópi
beita ólíkum aðferðum og sjónarhornum við sviðsetningu
Nemandi skal geta hagnýtt þá almennu þekkingu og leikni sem hann hefur aflað sér til að:
tengja leiklist inn í samfélagið
vinna heilstætt verk tengt samfélagslistum
tjá sig um samfélagslistir og setja í samhengi við eigin vinnu
segja frá starfandi fagfólki í sviðslistum og listrænni nálgun þeirra