Áhersla í áfanganum er á að kenna mismunandi aðferðir í textameðferð bæði textaflutningi og textaskilningi. Unnið er með ólíka texta í bundnu og óbundnu máli og nemendur fá tækifæri til að nálgast textavinnu á persónulegan hátt. Nemendur læra að vinna texta til flutnings, farið er í grunnvinnu í raddbeitingu og hljóðmótun og þeir fá þjálfun í að hlusta á og flytja mismunandi gerðir texta. Einnig fá nemendur kennslu í raddheilbrigði.
LEIK1GR05 og LEIK1SP05
Nemandi skal hafa öðlast þekkingu og skilning á:
hvernig vinna á leiktexta til túlkunar á leiksviði
hvernig röddin virkar sem líffæri og hvernig á að halda henni heilbrigðri
eigin rödd og möguleikum hennar til túlkunar
ólíkum aðferðum og leiðum við textaflutning
Nemandi skal hafa öðlast leikni í að:
hita upp rödd og líkama
beita röddinni á blæbrigðaríkan hátt
nota röddina á heilbrigðan hátt
miðla þekkingu sinni um raddbeitingu og raddheilbrigði
skrá hugleiðingar um eigin radd- og textavinnu
greina bundinn og óbundinn texta til túlkunar og flutnings
greina opinberan textaflutning t.d. í útvarpi, sjónvarpi og leikhúsi
Nemandi skal geta hagnýtt þá almennu þekkingu og leikni sem hann hefur aflað sér til að:
beita röddinni á heilbrigðan og blæbrigðaríkan hátt
tengja saman radd- og líkamsbeitingu
segja frá og skrifa um ólíka möguleika við túlkun og flutning á texta
tjá sig í ræðu og riti um eigin getu í textaflutningi