Nemendur læra að vinna leikin atriði á sviði frá fyrsta samlestri að uppsetningu. Nemendur fá innsýn inn í aðferðir Stanislavskis og fleiri áhrifamanna í leiklistarsögunni sem lögðu áherslu á vinnu leikarans. Mikil áhersla er lögð á sjálfstæð vinnubrögð, samvinnu og að nemendur skili þeirri heimavinnu sem sett er fyrir hverju sinni. Áfanganum lýkur með opnum tíma þar sem atriðin eru sýnd fyrir framan áhorfendur.
LEIK2BS05 LEIK2RT05
Nemandi skal hafa öðlast þekkingu og skilning á:
vinnu leikarans frá fyrsta samlestri að sýningu
vinnu við persónusköpun út frá handriti
gildi góðs undirbúnings í persónusköpun
mikilvægi heimavinnu leikarans
aðferðum ólíkra fræðimanna
Nemandi skal hafa öðlast leikni í að:
vinna sjálfstætt að persónusköpun
beita ólíkri tækni til að glæða leikpersónu lífi
vinna með öðrum að uppsetningu leikatriðis
nota nærsamfélag sitt og fjölmiðla til að sækja sér innblástur og upplýsingar
greina leikverk og einstakar leiksenur
nýta sér hugmyndabók við vinnu leikarans
Nemandi skal geta hagnýtt þá almennu þekkingu og leikni sem hann hefur aflað sér til að:
geta leikið persónu úr leikverki sem byggð er á listrænum ákvörðunum hans í samtali við leiðbeinanda
tengt saman alla þá ólíku þætti sem þarf til að leikpersóna í leikverki verði trúverðug
beita spuna og öðrum leiktæknilegum aðferðum við sköpun leikpersónu