Í áfanganum er farið yfir ýmis sérhæfð lagnakerfi sem eru mikilvægur hluti af verksviði pípulagningamanna. Fjallað er um snjóbræðslu- og vatnsúðakerfi, hreinsi- og hitakerfi fyrir sundlaugar, lífræn hreinlætiskerfi og rotþrær, gaskerfi, þrýstilofts- og súrefniskerfi á sjúkrahúsum, hita-, vatns- og fráveitukerfi sveitarfélaga. Lögð er áhersla á að nemendur læri um uppbyggingu þessara kerfa, sérkenni þeirra, lagnaefni, dælu- og stjórnbúnað.
Nemandi skal hafa öðlast þekkingu og skilning á:
snjóbræðslukerfum og lagnaefni og búnaði fyrir þau.
grunnreglum fyrir lögn og tengingu.
stýringum og reglun fyrir snjóbræðslukerfi.
notkun millihitara og frostlagar á snjóbræðslukerfi.
vatnsúðakerfum til brunavarna.
virkni loftþjappa, lögn þrýstiloftsleiðslna og öryggiskröfum í vatnsúðakerfum.
grunnatriðum í hreinlætis- og hitakerfum sundlauga.
lífrænum fráveitukerfum.
efnum og búnaði sem notaður er í gas-, þrýstilofts- og súrefniskerfi.
festingum, stýringum og öryggisbúnaði fyrir gas- og loftlagnir í byggingum
hlutverki, uppbyggingu og virkni gasbúnaðar til matargerðar.
aðferðum og búnaði til að prófa gas- og loftkerfi og öryggisbúnað þeirra.
kælitækni og lagningu kælilagna/-rafta
Nemandi skal hafa öðlast leikni í að:
velja lagnaefni og tengi með hliðsjón af aðstæðum.
útfæra lagnir snjóbræðslukerfa í gamlar og nýjar tröppur.
meta undirlag og þekingarefni fyrir snjóbræðslulagnir og kanna hæðarlegu.
leggja vatnsúðakerfi, setja upp og tengja tilheyrandi stjórntæki.
setja upp lífræn salerni og rotþrær.
velja lagnaleiðir og einangrun fyrir gas- og loftlagnir og staðsetningu gasbúnaðar.
meta kröfur um brunavarnir við lagnir milli brunahólfa.
setja upp, tengja og gangsetja varmadælur.
setja upp kælirafta, leggja að þeim lagnir, tengja og gangsetja.
velja efni og lagnatækni við vatns- og hitaveitulagnir sveitarfélaga.
Nemandi skal geta hagnýtt þá almennu þekkingu og leikni sem hann hefur aflað sér til að:
leggja snjóbræðslukerfi við mismunandi aðstæður og skilyrði.
vinna í samræmi við viðurkenndar öryggisreglur og öryggisbúnað.
tengja loftþjöppur, leggja loftþrýstilagnir og setja upp nauðsynleg stjórn- og öryggistæki í vatnsúðakerfum.
leggja hreinsilagnir og setja upp tilheyrandi búnað fyrir sundlaugar og gangsetja kerfin.
setja upp og tengja lífræn salerni og rotþrær.
leggja minni gas-, þrýstilofts- og súrefniskerfi í byggingar í samræmi við reglur og yfirfara öryggisbúnað.
áætla gas- og loftnotkun og reikna rörasverleika.
skrá og merkja ventla og stýritæki og setja upp skýringartöflur.
leggja kælikerfi, setja upp stýribúnað og gangsetja kerfin.
leggja frárennsliskerfi úr steinrörum í götur og bílastæði.
setja upp og tengja endabúnað og ganga úr skugga um virkni tækja í samræmi við reglur framleiðenda.
vinna í samræmi við viðurkenndar öryggisreglur og öryggisbúnað.
Símat. Verkefni sem tengjast hæfniviðmiðum áfangans verða lögð fyrir og metin.