uppruni þeirra og ferill, íslenskar og erlendar glæpasögur
Samþykkt af skóla
3
5
Í áfanganum verða lesnar íslenskar glæpasögur, lítillega fjallað um sögu glæpasagnaritunar og nokkrir þekktir glæpasagnahöfundar kynntir. Glæpasöguformið verður skoðað og skilgreint og fjallað um stöðu glæpasögunnar innan bókmenntanna. Í áfanganum verða einnig skoðuð tengsl þessara bókmennta við aðra miðla svo sem sjónvarp og kvikmyndir.
A.m.k. 10 einingar í íslensku á 2. þrepi
Nemandi skal hafa öðlast þekkingu og skilning á:
einkennum og formi bókmenntategundarinnar
sögu og þróun glæpasagnaritunar á Íslandi
sögu og þróun glæpasagnaritunar í Evrópu og Bandaríkjunum
stöðu bókmenntagreinarinnar innan bókmennta
tengslum bókmenntagreinarinnar við aðra miðla svo sem kvikmyndir og sjónvarp
nokkrum verkum íslenskra glæpasagnahöfunda
notkun heimilda og hjálpargagna í tengslum við verkefnavinnu
frágangi og skráningu heimilda
grundvallarreglum við byggingu og uppsetningu ritsmíða
grunnhugtökum í bókmenntafræði og beitingu þeirra
Nemandi skal hafa öðlast leikni í að:
beita helstu hugtökum bókmenntafræðinnar þegar verið er að fjalla um einkenni og form bókmenntategundarinnar þ.e. glæpasögunnar
lesa og fjalla um glæpasögur á gagnrýninn og fræðilegan hátt • flytja skýra, vel uppbyggða kynningu og geta lagt áherslu á meginþætti og atriði sem skipta máli
taka þátt í og stuðla að málefnalegum umræðum eða rökræðum um glæpasöguformið og glæpasögur
skoða og fjalla á málefnalegan hátt um tengsl greinarinnar við aðra miðla
vinna að skapandi verkefnum þar sem lögmálum glæpasögunnar er beitt
draga saman og nota á viðurkenndan og gagnrýninn hátt upplýsingar úr hvers kyns heimildum og meta áreiðanleika þeirra
rita heimildaritgerð þar sem beitt er gagnrýnni hugsun við úrvinnslu
ganga frá heimildaverkefnum og – ritgerðum með viðurkenndum hætti
tjá rökstudda afstöðu um bókmenntir, útskýra sjónarmið og taka virkan þátt í málefnalegum umræðum til að komast að vel rökstuddri niðurstöðu
flytja af öryggi lýsingar og kynningar á verkefnum sínum, hver fyrir sig og með öðrum
Nemandi skal geta hagnýtt þá almennu þekkingu og leikni sem hann hefur aflað sér til að:
dýpka lesskilning sinn
auka og bæta við orðaforða og málskilning
auka skilning sinn á mikilvægi afþreyingarefnis og hvaða lögmálum það lýtur í samfélaginu
auka skilning sinn og þekkingu á mannlegu atferli í gegnum lestur skáldverka
nýta sér sköpunarmátt íslenskunnar til að semja eigið verk
skrifa skýran og vel uppbyggðan texta
taka þátt í málefnalegum umræðum, tjá afstöðu sína og efasemdir um efnið og komast að rökstuddri niðurstöðu
greina aðalatriði og beita gagnrýnni hugsun við lestur, túlkun og úrvinnslu krefjandi texta
átta sig á samfélagslegum skírskotunum, duldum boðskap og hugmyndum
flytja kynningar á verkefnum af öryggi
beita skýru, vönduðu og blæbrigðaríku máli í ræðu og riti
vinna skapandi verkefni í tengslum við námsefnið og sýna frumkvæði í verkefnavali og úrvinnslu
Námsmat er útfært í kennsluáætlun í samræmi við skólanámskrá