Nemendur öðlist skilning á menningu enskumælandi svæða í gegnum kvikmyndir, sígildar og nýjar, og þjálfist í ritun af ýmsu tagi. Áhersla er lögð á að auka orðaforða. Nemendur þjálfast í að skilja ensku sem notuð er á ólíkum málsvæðum.
ENSKMS05
Nemandi skal hafa öðlast þekkingu og skilning á:
ólíkum viðhorfum og gildum í enskumælandi löndum og hvernig þau móta menninguna
sérhæfðum orðaforða sem tengist bókmenntum og kvikmyndum
uppsetningu og skipulagi ritaðs máls, s.s. gagnrýni, handritum, samanburðarskrifum o.fl.
Nemandi skal hafa öðlast leikni í að:
skilja mál sem er talað með mismunandi hreim og við mismunandi aðstæður
tengja samfélag og tíma
skilja texta kvikmynda og myndmál
skilja tengsl ritaðs máls og talaðs
rökræða, skiptast á skoðunum um kvikmyndir, taka þátt í pallborðsumræðum
lesa texta í tengslum við sögu kvikmynda, bakgrunn (sögulegan/menningarlegan), tækni við kvikmyndagerð, lýsingu, tónlist
skrifa kvikmyndarýni, handrit, samanburð á bók og mynd eða eldri og nýrri útgáfu mynda
Nemandi skal geta hagnýtt þá almennu þekkingu og leikni sem hann hefur aflað sér til að:
tjá sig skýrt og hnökralaust
geta skrifað læsilegan og lipran texta, rakið ólík sjónarmið með og á móti, skrifað texta frá eigin brjósti þar sem hugmyndaflug fær að njóta sín