Áfanginn er verklegur og miðar að því að nemendur fái almenna líkamlega hreyfingu og þjálfun á fjölbreyttan hátt. Leitast verður við að nemandi geti fundið sér hreyfingu við hæfi. Nemendur kynnast mismunandi hreyfingu og íþróttagreinum sem þeir geta stundað sem hluta af sínum lífsstíl í framtíðinni. Í áfanganum er lögð áhersla á verklega og fræðilega þætti upphitunar, þols, styrks og liðleika.
Nemandi skal hafa öðlast þekkingu og skilning á:
áhrifum líkams- og heilsuræktar fyrir andlega og líkamlega vellíðan
mikilvægi uppbyggilegrar samvinnu
tækifærum sem felast í að hreyfa sig á skólatíma
leikreglum í helstu íþróttagreinum
nauðsyn góðrar upphitunar
mikilvægi úthalds- styrktar- og liðleikaþjálfunar
Nemandi skal hafa öðlast leikni í að:
stunda helstu íþróttagreinar
nýta sér fjölbreytta möguleika til hreyfingar
vinna með hópi sem vinnur að sameiginlegu markmiði
taka við uppbyggilegri gagnrýni
vinna í stórum hópi
Nemandi skal geta hagnýtt þá almennu þekkingu og leikni sem hann hefur aflað sér til að:
mynda félagsleg tengsl
nýta heilsulæsi sitt til að nálgast upplýsingar og nýta sér þær til að efla og viðhalda góðri heilsu
viðhalda og/eða bæta líkamlega heilsu sem er metin með ástundun
geta unnið sjálfstætt og í hópi
upplifa áhrifaríka og gagnlega þjálfun
meta hvaða hreyfing hentar miðað við áhuga og lífsstíl