Hér er haldið áfram að rannsaka eðli og merkingu myndbyggingar og formfræði með fjölbreyttum tækniaðferðum og verkefnum. Þetta er m.a. gert með ýmsum tvívíðum aðferðum svo sem teikningu, málun, ljósmyndun, dúkristu/tréristu, tölvuforritunum Photoshop og Inkscape, vínylskera og jafnvel einföldum þrívíðum aðferðum og/eða myndbandsgerð. Nemendur halda áfram að þjálfast í markvissri skissugerð og hugmyndavinnu og að þjálfast í að kynna, greina og ræða um eigin verk og annarra á sem uppbyggilegastan hátt.
HUGM1HU05 og MÓDE2TE05
Nemandi skal hafa öðlast þekkingu og skilning á:
hvernig formfræði spilar hlutverk í gerð allrar sköpunar
hvert sé hlutverk forma, lína og lita í myndverkum
hvað sé myndbygging og hvernig röðun mismunandi forma, lína og lita getur breytt verkum
hvernig búa á til grafíkmynd með háþrykki s.s. dúkristu
Nemandi skal hafa öðlast leikni í að:
vinna með form á margvíslegan hátt í verkum sínum
nota mismunandi myndbyggingu til að tjá mismunandi hluti í eigin verkum
Nemandi skal geta hagnýtt þá almennu þekkingu og leikni sem hann hefur aflað sér til að:
nota formfræði og mismunandi myndbyggingu til marvissrar tjáningar í myndverkum