Markmið áfangans er að kenna og þjálfa teikningu sem verkfæri í fatahönnun með áherslu á vinnuteikningar og tískuteikningar í Adobe Illustrator. Í áfanganum er farið yfir og æft línur, skuggar, litir, jafnvægi og form, vaxtarlag, áferð og munstur. Skoðað er hvernig má ná fram skuggum og áferðum og hreyfingu í teikningu og hvernig má stílisera þær á persónulegan hátt. Teikning ýmissa smáatriða í fatnaði er æfð. Farið er yfir hvernig hægt er að byggja upp eigið sniðmát í Adobe Illustrator sem gefur möguleika á að búa til mismunandi möguleika á framsetningu verkefna. Farið er yfir allt vinnuferlið frá því að skissa hugmynd að flík yfir í tilbúna vinnuteikningu og tískuteikningu af flík með mismunandi áferðum, efnum og munstrum. Einnig er æft hvernig hægt er að nota stafrænar teikningar og unnið með þær áfram utan tölvunnar með mismunandi tækni.
TÍSK2TH05
LITA1LT05
Nemandi skal hafa öðlast þekkingu og skilning á:
hvernig megi ná fram smáatriðum fatateikningar á gínum og líkömum
hvernig hægt sé að ná fram skuggum, munstrum og áferðum í teikningu
hvernig megi stílisera teikningar og gera þær persónulegar og skapandi
hvernig megi teikna vandaðar flatar vinnuteikningar
hvernig megi lesa flatar vinnuteikningar
hvernig mismunandi verkfæraval veitir mismunandi útkomu
hvernig megi þjálfa líkamsteikningu og gínuteikningu
hvernig tíðarandi hefur áhrif á tískuteikningar
Nemandi skal hafa öðlast leikni í að:
koma til skila hugmyndum að fatnaði með teikningu
teikna fatnað fyrir gínur og fólk
ná fram skuggum, munstrum og áferðum í teikningu
stílisera og ná fram persónulegri túlkun í teikningum
velja verkfæri sem henta mismunandi verkefnum
vinna vandaðar vinnuteikningar
Nemandi skal geta hagnýtt þá almennu þekkingu og leikni sem hann hefur aflað sér til að:
koma til skila hugmyndum að fatnaði
tjá sig í tískuteikningu á persónulegan hátt
velja rétt verkfæri fyrir verkefni
skoða verk tískuteiknara í gegnum tíðina og nýta þau sem innblástur fyrir sín verk