Það kom upp villa
senda inn
Áfangi
Áfangi Nánari upplýsingar
Jafnvægi og efnahvörf
framhaldsáfangi í efnafræði
Farið í flóknari hugtök í efnafræði – efnahvörf og jafnvægi, sýrubasahvörf, rafefnafræði og oxunar-afoxunarhvörf.
Nemandi skal hafa öðlast þekkingu og skilning á:
- hraðafræði efnahvarfa og hvarfhraða
- tengslum raforku og efnafræði
- jafnvægi í efnahvörfum
- efnafræði sýra og basa og jafnvægi hjá daufum sýrum og bösum
- efnafræði lausna, jafnalausnum, títrunum og leysnimargfeldi
- sjálfgengni efnahvarfa, Gibbs fríorku og tengslum hennar við jafnvægisfastann
- oxun og afoxun
- orku í efnahvörfum, hvarfavarma, óreiðu og fríorku og tengslum þeirra innbyrðis
Nemandi skal hafa öðlast leikni í að:
- finna hraðalögmál út frá tilraunaniðurstöðu og nota jöfnu Arrheniusar
- vinna með orkuhugtök og reikna út orkubreytingar í tengslum við efnahvörf
- vinna með útreikninga tengda sýrum og bösum
- reikna orkubreytingar í efnahvörfum og tengja saman orkubreytingar og jafnvægisástand
- vinna með oxun og afoxun efna í tengslum við rafefnafræði.
- reikna út orku sem hægt er að fá út úr efnahvarfi, út frá íspennu rafhlöðu
- nota jafnvægisfasta og jafnvægisstyrki til útreikninga og nota reglu Le Chatelier
- nota afoxunarspennutöflur til að finna út hvort líklegt sé að efnahvarf verði
- sýna sjálfstæði við framkvæmd verklegra æfinga og skrifa góðar einstaklingsskýrslur
Nemandi skal geta hagnýtt þá almennu þekkingu og leikni sem hann hefur aflað sér til að:
- tengja saman efnisþætti efnafræðinnar við lausn flókinna verkefna
- leggja mat á áreiðanleika niðurstaðna rannsókna sinna og annarra
- sýna sjálfstæði í vinnubrögðum og bera ábyrgð á eigin námsframvindu
- tengja efnafræðina við daglegt líf og umhverfi og sjá notagildi hennar