Áfanginn er að mestu leyti verklegur. Viðfangsefni áfangans er styrktar- og þrekþjálfun í tækja- og þreksal.
Nemendur vinna út frá sinni eigin æfingaáætlun undir handleiðslu kennara. Að áfanganum loknum eiga nemendur að hafa öðlast þekkingu og reynslu til að útbúa eigin æfingaáætlun til að bæta líkamsbyggingu og viðhalda krafti , þoli og liðleika.
LÍL1A01 og LÍL1B01 (LÍKA1FR01)
Nemandi skal hafa öðlast þekkingu og skilning á:
uppbyggingu styrktaráætlunar
mismunandi áherslum í styrktarþjálfun, hvort unnið er með hámarksstyrk eða vöðvaþol
mismunandi æfingum fyrir mismunandi vöðvahópa
uppbyggjandi æfingaáætlun fyrir ákveðið tímabil, t.d. 4-6 vikur
hugtökum sem koma fyrir í skipulagningu þjálfunar eins og upphitun, aðalhluti, niðurlag og markmið
Nemandi skal hafa öðlast leikni í að:
skipuleggja eigin þjálfun
fara eftir eigin æfingaáætlun
nota fjölbreyttar æfingar fyrir mismunandi vöðvahópa
stunda þjálfun, hreyfingu og virkni sem hafa áhrif á jákvæða upplifun og viðhorf til líkams- og heilsuræktar
Nemandi skal geta hagnýtt þá almennu þekkingu og leikni sem hann hefur aflað sér til að:
stunda markvissa þjálfun sem byggir á áætlanagerð
stunda styrktar þjálfun með ólíkum áherslum hvað varðar þjálfunaraðferðir
nýta sér þá möguleika til hreyfingar sem tækjasalur býður upp á
tileinka sér meðvitað hreyfingu sem heilsuávinning til framtíðar