Farið er yfir helstu lög og reglur er varða fyrirtækjarekstur, réttindi starfsmanna og rætt um siðareglur og mótun þeirra. Nemendur þekki þá þætti dómskerfisins er varða atvinnurekstur og réttarform fyrirtækja. Þekki vel iðnlöggjöfina og helstu lög og reglur aðrar er lúta að atvinnurekstri, svo sem verslunarrétt, hlutafélagarétt, vinnurétt, skattamál, tilboðsgerð og CSR.
Nemandi skal hafa öðlast þekkingu og skilning á:
lögum og reglum varðandi starfsmannamál.
lögum og reglum varðandi rekstur fyrirtækja og skattalegt umhverfi.
helstu lögum varðandi tilboðsgerð.
helstu eyðublöðum sem atvinnurekandi þarf að fylla út.
lögboðnum tryggingum í atvinnurekstri.
Nemandi skal hafa öðlast leikni í að:
fylla út helstu eyðublöð.
meta áhrif rekstrarákvarðana á skattlagningu fyrirtækja.
gera helstu samninga varðandi atvinnurekstur.
Nemandi skal geta hagnýtt þá almennu þekkingu og leikni sem hann hefur aflað sér til að:
útfylla helstu pappíra varðandi fyrirtækjarekstur.
leita sér upplýsinga um lögfræðileg atriði er varða fyrirtækjarekstur.
Námsmat er útfært í kennsluáætlun í samræmi við skólanámskrá