Lokaverkefnið er einstaklingsverkefni sem nemandi og kennari koma sér saman um. Verkefnið tekur mið af þeim námsþáttum sem teknir eru fyrir á önninni og er lagað að bakgrunni hvers og eins nemanda. Í lok áfangans skal nemandi kynna verkefnið fyrir kennara og samnemendum sínum.
Unnið samhliða öllum áföngum B-hluta.
Nemandi skal hafa öðlast þekkingu og skilning á:
fagtengdum efnum iðngreinar sinnar ásamt sértækum lögum og reglugerðum, gæðastýringu, vöruþróun, öryggis- og umhverfismálum, verklýsingum og tilboðsgerð fyrir greinina.
Nemandi skal hafa öðlast leikni í að:
skipuleggja og stjórna verkefnum í samræmi við námsgreinar í B-hluta.
Nemandi skal geta hagnýtt þá almennu þekkingu og leikni sem hann hefur aflað sér til að:
nýta sér sjálfstæð og markviss vinnubrögð við úrlausn raunhæfra verkefna er lúta að gæðastjórnun, vöruþróun, tilboðsgerð og öryggismálum.
Námsmat er útfært í kennsluáætlun í samræmi við skólanámskrá