Í áfanganum verða helstu undirstöðuatriði stafsetningar og málfræði, ritunar og læsis rifjuð upp. Auk þess verður farið yfir algengasta myndmál og stílbrögð. Unnið verður markvisst að því að bæta læsi nemenda og auka lesskilning með lestri ýmiss konar texta, m.a. skáldsögu. Nemendur fá þjálfun í ýmiss konar ritun þar sem bæði reynir á sköpunarhæfni og frumkvæði sem og að skrifa eftir nákvæmum fyrirmælum.
Áfanginn er ætlaður nemendum sem ekki hafa lokið grunnskóla með fullnægjandi árangri að mati skólans.
Nemandi skal hafa öðlast þekkingu og skilning á:
helstu reglum í tengslum við ritun
stílbrögðum
myndmáli
bragfræði
orðflokkum
mikilvægi þess að búa að góðri lestrarfærni, t.d. góðum lestrarhraða, lesskilningi og úthaldi við lestur
nokkrum tegundum bókmennta- og nytjatexta, s.s. smásögum, blaða- og tímaritsgreinum
mikilvægum atriðum sem einkenna góða framsögn og umræður
orðaforða sem nýtist í ræðu og riti
mikilvægi þess að geta heimilda
Nemandi skal hafa öðlast leikni í að:
greina ljóð með tilliti til myndmáls, stílbragða og bragfræði
skrifa mismunandi gerðir texta
taka aðalatriði úr texta og átta sig á meginefni hans
vinna fjölbreytt verkefni þar sem reynir m.a. á sköpun og frumkvæði
lesa texta sem gera nokkrar kröfur til lesenda og skilja algengt líkingamál og orðatiltæki
nota mismunandi lestraraðferðir við ólíka texta
• vinna fjölbreytt verkefni þar sem reynir m.a. á sköpun og frumkvæði
• nota yfirlestrarforrit og orðabækur til að lagfæra eigin texta
• leita upplýsinga úr heimildum og nýta á viðeigandi hátt
Nemandi skal geta hagnýtt þá almennu þekkingu og leikni sem hann hefur aflað sér til að:
fjalla um inntak ýmissa mismunandi texta, bæði nytjatexta og skáldverka.
lesa og túlka texta þótt merkingin liggi ekki á yfirborðinu
greina einföld atriði í málfræði og stafsetningu
nýsemja stutta texta af ýmsu tagi með viðeigandi málfari
dýpka lesskilning sinn
vinna skapandi verkefni, t.d. í tengslum við vinnu með texta
styrkja eigin mál- og ritfærni
vinna skapandi verkefni, t.d. í tengslum við vinnu með texta
Lögð er áhersla á fjölbreytt námsmat með leiðsögn. Námsmatið er í höndum kennara viðkomandi áfanga en þarf að fylgja þeim reglum sem kveðið er á um í skólanámskrá VMA.