Kaupmannahöfn, höfuðborg Danmerkur er aðalviðfangsefni áfangans. Fjallað er um menningu borgarinnar, sögu hennar og tengsl Íslands og Danmerkur fyrr og nú. Dagleg samskipti á dönsku eru æfð og nemendur afla sér upplýsinga á dönsku og íslensku í gegnum ýmsa netmiðla og lesefna sem tengjast efni áfangans. Nemendur undirbúa fjögurra daga ferð til Kaupmannahafnar. Þangað er farið og vinna nemendur verkefni í tengslum við ferðina sem og eftir heimkomu. Þekktustu staðir borgarinnar og söguslóðir Íslendinga eru heimsóttir. Lögð er áhersla á sjálfstæð vinnubrögð og að nemendur taki ábyrgð á því að skipuleggja vinnu sína og læri að nýta sér þau hjálpartæki sem í boði eru t.d. orðabækur og netmiðla.
DANS2LH05
Nemandi skal hafa öðlast þekkingu og skilning á:
- Mannlífi og menningu í Kaupmannahöfn
- Viðhorfum, gildum og almennum kurteisisvenjum í landinu
- Samskipi menntunar milli Íslands og Kaupmannahafnar
- Helstu Íslendingaslóðum í Kaupamannahöfn
- Orðaforða í samræmi við hæfni og leiknimarkmið áfangans
Nemandi skal hafa öðlast leikni í að:
- Afla sér hagnýtra upplýsinga og taka þátt í samræðum
- Skilja talað mál í algengum raunverulegum aðstæðum
- Beita tungumálinu skýrt og skiljanlega
- Nota upplýsingatækni og önnur hjálpargögn við upplýsingaöflun, undirbúningsvinnu og samantekt
- Vinna úr og samþætta upplýsingar samkvæmt þeim venjum sem gilda um heimildavinnu og miðla þeim til annarra á áhugaverðan hátt
- Beita tungumálinu skýrt og skiljanlega út frá aðstæðum
Nemandi skal geta hagnýtt þá almennu þekkingu og leikni sem hann hefur aflað sér til að:
- Taka þátt í almennum samræðum um fjölbreytt málefni
- Geta fært rök fyrir máli sínu og brugðist við óvæntum spurningum
- Geta tjáð sig skýrt og skiljanlega með rökstuðningi
- Fjalla um sérhæfð efni með sérhæfðum orðaforða þar sem við á
- Vera fær um að fjalla almennt um menningu og mannlíf Danmerkur
Leiðsagnarmat, öll verkefni gilda til einkunnar. Einnig er tekið mið af þátttöku og virkni nemenda. Í lok annar kynna nemendur lokaverkefni sitt.