Í áfanganum vinnur nemandinn með hugtökin rými, tvívídd, þrívídd, ljós, skuggi og myndbygging auk annarra hugtaka sem tengjast skúlptúrum og þrívíðum verkum. Leitast verður við að kynna nemandanum fjölbreytta þrívíða vinnu og að nemendur skoði hvernig koma má tvívíðum skissum í þrívítt form. Unnið verður með ýmis efni s.s. pappír, leir, gifs, vír, garn, ullarflóka, léreft, grisju o.fl. Nemandinn heldur utan um skissur, hugmyndir, prufur og þróunarvinnu sína og setur fram með skipulögðum hætti. Auk þessa rannsaka nemendur verk listamanna og hönnuða sem nýta þrívídd í sinni sköpun.
hinum ýmsu aðferðum, sérkennum og einkennum á þrívíðri vinnu og hugsun auk grunnaðferðum afsteyputækni
myndbyggingu og hvaða gildi/þýðingu hún hefur í þrívíðri hugsun/vinnu
fjölbreytileika efna og aðferða sem nota má við í þrívíðri vinnu möguleikum þeirra við gerð lágmynda og þrívíðra verka
þeim áhöldum, vinnutækjum og því vinnuumhverfi sem tengjast þrívíðri vinnu með fjölbreyttum efniviði
aðferða- og hugmyndafræði ýmissa listamanna og hönnuða sem vinna að þrívíðri listsköpun
þrívíðri myndlist í nærumhverfinu og þekki höfunda hennar
Nemandi skal hafa öðlast leikni í að:
beita skapandi aðferðum, tækni og verklagi til að koma tvívíðri hugmynd yfir í þrívítt sköpunarverk
meðhöndla fjölbreytt efni, nota ólíkar aðferðir og verkfæri til þrívíðrar myndsköpunar
vinna frístandandi skúlptúr og beita mismunandi aðferðum, efnisnotkun og tækni
vinna lágmynd á vegg með mismunandi aðferðum, efnisnotkun og tækni
beita mismunandi aðferðum og tækni í tilraunum og skissugerð með sköpun þrívíðra verka að leiðarljósi
beita aðferðum rannsóknarvinnu sem gagnast í hugmyndavinnu, framsetningu verkefna og skipulagningu á verkferli og útfærslu verka sinna
Nemandi skal geta hagnýtt þá almennu þekkingu og leikni sem hann hefur aflað sér til að:
nýta sér sköpun, ímyndunarafl og innsæi við þróun hugmynda, skissuvinnu og úrvinnslu
velja efni og aðferðir í samræmi við hugmyndir sínar og úrvinnslu verka sinna
sýna áræðni og frumkvæði við útfærslu og þróun þrívíðra verka
greina áherslur, merkingu og stílbrigði í rýmis- og efnisnotkun þekktra listamanna
greina og tjá sig um eigin verk og annarra af nokkurri þekkingu, víðsýni og umburðarlyndi og geta rökstutt m.t.t. efnisnotkunar, tækni og framsetningar
taka þátt í samvinnu með sameiginleg markmið hópsins að leiðarljósi
Lögð er áhersla á fjölbreytt námsmat með leiðsögn. Námsmatið er í höndum kennara viðkomandi áfanga en þarf að fylgja þeim reglum sem kveðið er á um í skólanámskrá VMA.