Efni áfangans eru fjölbreyttir þættir sem snerta daglegt líf og tengsl nemenda við samfélag sitt. Eftirfarandi viðfangsefni tilheyra námsefni áfangans:
Sjálfsmynd; auka þekkingu og skilning á sjálfum sér, meta og efla sjálfstraust og samskiptafærni
Heilbrigður lífsstíll; fræðsla um mataræði, svefn og kynheilbrigði
Fjármálalæsi; eigin fjármál, neysluviðmið, fjárhagsaðstoð
Atvinnumarkaður; kynnast venjum, reglum og skyldum
Borgaravitund og alþjóðasamfélag, menning og margbreytileiki
Tjáning; farið verður í framkomu, tjáningu eigin skoðana og formlegra erinda
Náms- og starfsfræðsla; lögð áhersla á uppbyggingu framhaldsskólakerfisins s.s. námsleiðir, námsmarkmið og námstækni.
Viðfangsefni: sjálfsmynd, lífsstíll, náms- og starfsfræðsla, fjármálalæsi, borgaravitund, tjáning.
Nemandi skal hafa öðlast þekkingu og skilning á:
helstu hugtökum sem tengjast sjálfsmynd og þekkingu og skilningi á eigin persónu gildi heilbrigðs lífsstíls
þáttum sem hafa áhrif á samskipti og ágreiningsstjórn
fjármálahugtökum ásamt umfjöllun um auglýsingar og neyslusamfélagið
venjum, reglum og hefðum atvinnumarkaðarins
umfjöllun um alþjóðasamfélagið og fjölmenningu sem varða jafnrétti og staðalmyndir
gildi þess að æfa sig í að tjá sig munnlega um viðfangsefni hverju sinni
framhaldsskólakerfinu og námsleiðum
góðri námstækni og mikilvægi markmiðssetninga
Nemandi skal hafa öðlast leikni í að:
rýna í eigin sjálfsmynd og meta eigin stöðu
nýta sér upplýsingar um mikilvægi heilbrigðs lífsstíls og heilsueflingu
skoða samskipti, ágreining og tilfinningar á jákvæðan og hagnýtan hátt
skipuleggja, taka réttar ákvarðanir og bera ábyrgð á eigin fjármálum og neyslumynstri
horfa gagnrýnið á auglýsingar og taka sjálfstæða afstöðu til auglýsinga
greina venjur, reglur og hefðir atvinnumarkaðarins
greina og meta aðstæður er tengjast fjölmenningu og staðalmyndum
undirbúa mál sitt og færa rök fyrir skoðunum sínum og afstöðu
nýta sér góða námstækni og setja sér raunhæf markmið
skoða námsframboð og námsleiðir
Nemandi skal geta hagnýtt þá almennu þekkingu og leikni sem hann hefur aflað sér til að:
greina og meta sjálfan sig og eigin stöðu á raunhæfan hátt
velja heilsueflandi lífsstíl s.s. hollt mataræði, nægan svefn og kynheilsu
greina og meta eigin samskipti og leysa ágreiningsmál
lesa í fjármálatilboð; lesa auglýsingar og draga úr markaðsvæðingu
vera ábyrgur þátttakandi í atvinnulífinu
meta og gera grein fyrir aðstæðum og þáttum sem tengjast borgaravitund, fjölmenningu og alþjóðavitund
flytja mál sitt á sannfærandi og öruggan hátt
setja sér markmið í námi og velja sér nám við hæfi