Áfanginn er bóklegur og verklegur með það að markmiði að nemandinn læri að kenna börnum og unglingum undirstöðuatriði í knattspyrnu ásamt því að læra undirstöðuatriði styrktarþjálfunar með og án lóða. Áhersla er á tæknikennslu styrktarþjálfunar og kennslu í leikfræði og reglum knattspyrnu. Stefnt er að því að nemendur öðlist ákveðna grunnfærni í að leiðbeina við æfingar og lögð er áhersla á mikilvægi þess að leiðbeina og kenna rétta tækni á leikrænan og skemmtilegan hátt. Í lok áfangans eiga nemendur að vera færir um að stjórna, skipuleggja og sinna æfingum í knattspyrnu og styrktarþjálfun.
ÍÞRFÞJj05
Nemandi skal hafa öðlast þekkingu og skilning á:
leikreglum
leik- og hreyfifræði
hvernig á að leiðbeina börnum
kennslu tækni- og styrktaræfinga
skipulagningu þjálfunar
fjölbreyttum leik- og tækniæfingum
Nemandi skal hafa öðlast leikni í að:
leiðbeina byrjendum og öðrum
nota íþróttirnar og styrktaræfingar sér til heilsubótar
halda mót fyrir smærri hópa
taka þátt í keppni
greina vandamál og finna lausnir
nota og útskýra mismunandi fyrirkomulag æfinga
nota og útskýra fyrir öðrum ýmsa leiki
Nemandi skal geta hagnýtt þá almennu þekkingu og leikni sem hann hefur aflað sér til að:
bæta við eigið getustig
skipuleggja æfingar
stjórna hópi af börnum
átta sig á ólíkri getu einstaklinga í hópi
sækja um stöðu aðstoðarþjálfara hjá íþróttafélögum