Í áfanganum verður notast við sýndarveruleikagleraugu til kennslu á ýmsum sviðum. Markmiðið er að gefa nemendum dýpri innsýn í sýndarveruleikann, þróun og hlutverk í nútímasamfélagi með tilliti til kennslu. Fræðin á bakvið leikina sem notast verður við verða skoðuð og uppbygging þeirra. Nemendur kynnast leikjum á ólíkum sviðum s.s. landafræði, sögu, stjörnufræði, menningu og stríði. Farið verður í tilgang tölvuleikja, mismunandi virkni spilenda og samanburð við aðra leiki eða afþreyingu. Nemendur kynnast því hvernig kenna má í gegnum tölvuleiki. Í lok áfangans fá nemendur tækifæri til að nýta þekkingu sína til að þróa sína eigin leikjahugmynd og kynna hana fyrir öðrum.
Engar
Nemandi skal hafa öðlast þekkingu og skilning á:
þróun og sögu sýndarveruleikakennslu
möguleikum og takmörkunum sýndarveruleikakennslu
uppbyggingu sýndarveruleika/tölvuleikja og áhrif þeirra í samfélagslegu samhengi
tilgangi sýndarveruleika/tölvuleikja
virkni þeirra sem spila sýndarveruleiki/tölvuleiki
samanburði við aðra afþreyingu
námi í gegnum tölvuleiki (e.: computer based learning)
Nemandi skal hafa öðlast leikni í að:
tengja sýndarveruleikakennslu við ólík fræðisvið
virkja hugmyndaflugið á gagnlegan hátt
að þróa og kynna hugmyndir í samstarfi við aðra
líta á tölvuleiki frá mismunandi sjónarhornum og í víðu samhengi
Nemandi skal geta hagnýtt þá almennu þekkingu og leikni sem hann hefur aflað sér til að:
geta tekið þátt í verkefnavinnu og umræðu um tilgang og framtíð sýndarveruleika
kynna eigin vinnu
geta tekið þátt í verkefnavinnu og umræðu um gerð sýndarveruleika tölvuleikja
geta tekið þátt í verkefnavinnu og umræðu um uppbyggingu tölvuleikja
geta tekið þátt í verkefnavinnu og umræðu um tölvuleiki sem aðferð til náms eða kennslu
Námsmat er símat sem byggir á verkefnum og þátttöku í kennslustundum, atburðum og heimsóknum.