Áfanginn fjallar um hvernig á að sækja um styrki fyrir verkefni, bæði innlend og á alþjóðavísu. Nemendur læra að greina styrkveitendur, þróa umsóknir og setja upp raunhæfa fjárhagsáætlun. Lögð er áhersla á tengslamyndun, heimsóknir til styrkveitenda, viðtöl við styrkþega og greiningu á kostum og göllum styrkumsókna.
Einnig er skoðað hvernig nýta má gervigreind og upplýsingatækni í ferlinu, t.d. fyrir textaskrif, kynningarefni, myndvinnslu og vefsíðuhönnun.
Áfanginn er ætlaður framhaldsskólanemendum sem ekki hafa neina fyrri reynslu af umsóknarskrifum.
FRUM1TR05
Nemandi skal hafa öðlast þekkingu og skilning á:
Mismunandi styrktarsjóðum og kröfum þeirra (Erasmus+, Nordplus, EEA, fyrirtækjasjóðir o.fl.)
Ferlinu frá hugmynd til samþykktar umsóknar
Helstu þáttum styrkumsókna, svo sem verkefnalýsingu, fjárhagsáætlun og sjálfbærni
Hvernig tengslamyndun og samstarf hefur áhrif á styrkveitingar
SVÓT-greiningu á verkefnum
Hvernig gervigreind og upplýsingatækni geta aðstoðað í umsóknarskrifum
Nemandi skal hafa öðlast leikni í að:
Greina styrkleika og veikleika í eigin verkefnum
Skrifa skýrar og sannfærandi styrkumsóknir
Útbúa raunhæfa fjárhagsáætlun
Byggja upp og nýta tengslanet í styrkumsóknum
Nota gervigreind og upplýsingatækni fyrir textaskrif, kynningarefni og myndvinnslu
Hanna einföld kynningarskjöl eða vefsíður fyrir umsóknarverkefni
Nemandi skal geta hagnýtt þá almennu þekkingu og leikni sem hann hefur aflað sér til að:
Undirbúa og senda inn fullgilda styrkumsókn
Greina hvaða styrktarsjóðir henta mismunandi verkefnum
Taka virkan þátt í umræðu um fjármögnun samfélagsverkefna
Meta og rýna í styrkleika og veikleika eigin verkefnahugmynda
Tengjast styrkveitendum og styrkþegum til að læra af raunverulegum dæmum
Nýta tækni til að bæta gæði umsóknarskrifa og kynningarefnis
Í áfanganum er viðhaft símat alla önnina. Öll verkefni gilda til einkunnar og mikilvægt er að nemendur stundi námið reglulega.