Áfanginn er ætlaður tvítyngdum nemendum með takmarkað vald á íslensku sem öðru máli og byggir á A2-stigi í Evrópska tungumálarammanum. Markmiðið er að styrkja orðaforða, málskilning og sjálfstæða tjáningu í ræðu og riti. Áfanginn ÍSAN1BE05 er tekinn samhliða þessum áfanga.
Nemendur vinna með einfalda texta um daglegt líf, áhugamál og nærumhverfi og læra að skilja og mynda algeng orðasambönd og setningar í hversdagslegum samtölum. Áhersla er lögð á að þróa færni í hlustun, lestri, rituðu og töluðu máli með fjölbreyttum verkefnum og samskiptum í kennslustundum. Einnig er unnið með grunnatriði málfræðinnar, framburð og beygingar íslenskra orða.
Grunnkunnátta í íslensku, metið með stöðuprófi í upphafi annar.
Nemandi skal hafa öðlast þekkingu og skilning á:
algengum orðum og orðasamböndum sem nýtast í daglegu lífi
grunnatriðum íslenskrar málfræði, þar á meðal orðflokkum, beygingum og einföldum setningagerðum
framburði íslenskra hljóða
Nemandi skal hafa öðlast leikni í að:
skilja einfaldar setningar og talað mál um kunnugleg efni þegar talað er hægt og skýrt
taka þátt í einföldum samræðum um daglegt líf og persónulega reynslu
lesa stutta, einfalda texta og skilja aðalatriðin
skrifa stuttan og skýran texta um sjálfan sig, fjölskyldu sína og daglegt líf
Nemandi skal geta hagnýtt þá almennu þekkingu og leikni sem hann hefur aflað sér til að:
taka þátt í einföldum orðaskiptum og tjáð sig um verkefni um efni sem hann þekkir
skilja megininntak í einföldu, skýru tali um kunnugleg efni
lesa og skilja einfaldar leiðbeiningar, tilkynningar og stutta texta
skrifa persónuleg skilaboð, t.d. tölvupóst eða skilaboð á samfélagsmiðlum
Matið byggir á hæfniþáttum A2-stigs samkvæmt ETM: Hlustun: Nemendur geti skilið aðalatriðin í stuttum og einföldum skilaboðum.
Tjáskipti Nemendur geti tekið þátt í einföldum samtölum og tjáð sig í stuttum frásögnum. Lestur: Nemendur geti lesið einfalda texta og fundið upplýsingar í hversdagslegu efni.
Ritun: Nemendur geti skrifað mjög einfalt bréf eða skilaboð.
Námsmat felst í verkefnavinnu, munnlegum og skriflegum prófum sem meta færni í samræmi við A2-viðmið ETM.