Námskeiðið er ætlað byrjendum í íslensku. Áhersla er lögð á að finna leið fyrir nemendur til að nálgast tungumálið eins og hentar þeim best, þannig að þeir hafi gaman af náminu.
Nemendur eru hvattir til að nota tungumálið í daglegu lífi og unnið er með aðstæður og samtöl sem nýtast nemendum dags daglega. Áhersla er lögð á að nemendur tileinki sér undirstöðuatriði í íslensku og byggi upp orðaforða sem tengist daglegu lífi þeirra og athöfnum. Öll málfræði er unnin í samhengi við orðaforða námskeiðsins.
Nemandi skal hafa öðlast þekkingu og skilning á:
algengustu orðum og orðasamböndum sem tengjast daglegu lífi,
grunnatriðum í beygingafræði og setningaskipan,
grunnatriðum í framburði.
Nemandi skal hafa öðlast leikni í að:
skilja algeng orð og einfaldar setningar sem tengjast athöfnum daglegs lífs,
tjá sig í einföldum setningum og orðasamböndum í mæltu máli, t.d. til að kynna sig og tala um daglegt líf og líðan,
lesa og skrifa einfaldar setningar um persónulega hagi og daglegt líf.
Nemandi skal geta hagnýtt þá almennu þekkingu og leikni sem hann hefur aflað sér til að:
nota einföld orðasambönd og mynda einfaldar setningar í samskiptum í daglegu lífi,
vinna sjálfstætt til að halda áfram tungumálanámi sínu þegar námskeiði lýkur,
öðlast meiri innsýn í íslenska menningu og samfélag.
Í áfanganum er viðhaft símat alla önnina. Öll verkefni gilda til einkunnar og því mikilvægt nemendur sinni náminu jafnt og þétt.