Námskrá

Titill:

Smáskipanám - vélstjórn <15m (<750kW) (Staðfestingarnúmer 494) 21-494-2-300

Lýsing:

Námskrá þessi tiltekur þær kröfur sem gerðar eru til smáskipanáms, vélavarðarhluta, annars vegar til smáskipavélavörslu á skipum 15 metrar og styttri í strandsiglingum og með vélarafl 750 kW eða minna (sbr. 12. gr. rg. nr. 944/2020) samkvæmt lögum nr. 30/2007 um áhafnir íslenskra fiskiskipa, varðskipa, skemmtibáta og annarra skipa (5. og 6. gr.), og hins vegar til vélstjórnar á farþegabátum allt að 12 m að skráningalengd sem mega flytja allt að 12 farþega samkvæmt lögum nr. 76/2001 um áhafnir íslenskra farþegaskipa og flutningaskipa (3. gr.). Réttindi fást að loknum viðeigandi siglingatíma og öryggisfræðslunámi. Framhaldsskólar skv. lögum um framhaldsskóla geta boðið upp á smáskipanám. Jafnframt getur Samgöngustofa veitt fræðslustofnunum, sem ekki teljast framhaldsskólar, heimild til að bjóða upp á smáskipanám. Þessir aðilar skulu hafa yfir að ráða kennsluaðstöðu, tækjabúnaði til að bjóða upp á slíkt nám og kennara og leiðbeinendur, sem hafa fullnægjandi fagmenntun og heimildir til þess að gegna stöðu kennara eða leiðbeinanda, að fenginni staðfestingu Samgöngustofu áður en nám hefst. Samgöngustofa hefur eftirlit með að smáskipanám uppfylli kröfur námskrár. Námskröfur til smáskipanáms eru tilgreindar í þessari námskrá sem ráðuneyti menntamála hefur tekið saman að höfðu samráði við ráðuneyti samgöngumála og Samgöngustofu. Námið má meta til eininga í framhaldsskóla og skólastjórnendur eru ábyrgir á mati skóla á námi frá öðrum fræðslustofnunum.

Grunnupplýsingar

Inntökuskilyrði:	Að nemandi búi yfir færni sem þarf til að takast á við alla hluta námsins, hafi lokið grunnskóla og sé á 16 ári hið minnsta.
Skipulag:	Viðurkenndur fræðsluaðili ber ábyrgð á framkvæmd námsins. Námið er bóklegt og verklegt og felur í sér starfsþjálfun. Samgöngustofa getur sett kröfur um skipulag náms ef fræðslustofnun telst ekki fullnægja öllum skilyrðum um kennsluaðstöðu, tækjabúnað eða öðrum skilyrðum á námslokum.
Námsmat:	Með námsmati að loknu námi er markmiðið að leggja raunhæft mat á þekkingu, leikni og hæfni nemenda eins og krafa er um. Útfærsla námsmats og framkvæmd skal vera í takt við þá hæfni sem nemendur eiga að hafa öðlast og geta sýnt fram á að námi loknu. Einkunn í einstökum námsþáttum skal vera á bilinu 1-10 með einum aukastaf. Að jafnaði skal miða við að 5,0 sé lágmarkseinkunn til að standast einstaka námsþætti námsins, þó er viðmiðið 6,0 í nokkrum þeirra og er það tilgreint í þeim. Lokaeinkunn smáskipanámsins (meðaleinkunn allra matsþátta) skal vera í heilum tölum og þarf að lágmarki vera 7 til að fræðslustofnun geti staðfest að námi sé lokið. Sú fræðslustofnun sem gefur út staðfestingu um að námi sé lokið skal geta lagt fram fullnægjandi gögn til staðfestingar á þekkingu og hæfni nemanda á grundvelli viðeigandi námsmats.
Starfsnám:	Til þess að fá útgefið atvinnuskírteini til starfa á skipum skal nemandi eftir atvikum (a) hafa lokið siglingatíma og/eða viðurkenndri starfsþjálfun sem nánar er kveðið á um í gildandi lögum og reglugerðum um það efni, og (b) hafa lokið öryggisfræðslunámi smáskipa hjá Slysavarnaskóla sjómanna eða öðrum viðurkenndum þjálfunaraðila og viðurkenndu námskeiði í skyndihjálp.
Markhópar	einstaklingar með stutta skólagöngu að baki einstaklingar á vinnumarkaði með stutta formlega skólagöngu að baki einstaklingar sem vilja efla starfshæfni sína einstaklingar sem búa við skerta möguleika til náms eða atvinnuþátttöku
Hæfni-, þekkingar- og leikniviðmið	taka sjálfstæðar ákvarðanir er varða vélstjórn skips og mannskap hafa með höndum örugga stjórn á virkni búnaðar í skipum af þessari stærð, bæði vél- og rafbúnaði, þannig að hann geti þjónað þessum búnaði með öruggum hætti og án þess að öryggi skips eða þeirra sem um borð eru sé stefnt í hættu greina algengar bilanir sem upp koma í vél- og rafbúnaði og geta brugðist við þeim beita öryggis- og neyðarkerfum, s.s. austurkerfum, slökkvikerfum og neyðarlokum, og stjórnað neyðarviðbrögðum í samráði við aðra yfirmenn sinna viðhaldi og umhirðu á vél- og rafbúnaði skipa af þessari stærð, geta lagt raunhæft mat á ástand hans og hvenær huga þurfi að viðhaldi eða endurnýjun búnaðarins, ásamt því að undirbúa skip fyrir reglubundar aðalskoðanir sinna daglegum rekstri kælikerfa sem eru um borð í skipum af þessari stærð, s.s. eftirliti, gerð þjónustusamninga, skráningum og meðferð kælimiðla nýta sér handbækur, gátlista, teikningar, verklýsingar og upplýsingakerfi við störf sín sem vélstjóri - skynja rétt hættur sem haft geta áhrif á stöðugleika skipa af þessari stærð og meta áhrif ýmissa þátta á stöðguleika taka þátt í þeim verkum sem tengjast skráningu skipsins, reglubundnu eftirliti með því, tryggingamálum og tjónum sem upp kunna að koma fylgja eftir réttindum skipverja og árétta skyldur þeirra, m.a. um lögskráningu sinna skyldum sínum varðandi varnir gegn mengun sjávar og bregðast við mengunaróhöppum

Nemendastundir Fjöldi klukkustunda til að ljúka námskrá

300  klst.

Kjarni Námsþættir í námskrá

Námsþættir

F-SMÁS1ES_620   Smáskipanám F-SMÁS1RA_210   Smáskipanám F-SMÁS1RB_320   Smáskipanám F-SMÁS1RC_410   Smáskipanám F-SMÁS2CC_920   Smáskipanám F-SMÁS2CD_620   Smáskipanám F-SMÁS2EA_340   Smáskipanám F-SMÁS2EB_520   Smáskipanám F-SMÁS2EH_820   Smáskipanám F-SMÁS2EK_1020   Smáskipanám F-SMÁS2EM_1120   Smáskipanám F-SMÁS2ER_420   Smáskipanám F-SMÁS2MY_1420   Smáskipanám F-SMÁS3EO_120   Smáskipanám F-SMÁS3EU_320   Smáskipanám

Frjálst Val Aðrir óskilgreindir námsþættir sem hægt er að velja/meta í námskránni

Nei, frjálst val er ekki leyft