Tilgangur þessa námsþáttar er að námsmaður öðlist staðgóða þekkingu á netkerfum þannig að hann þekki eiginleika þeirra. Farið er í uppsetningu, stillingar, bilanaleit og viðhald grunnnetkerfa. Fjallað er um samskipta- og tengistaðla, mismunandi kapla og annan netbúnað. Þjálfuð er færni í að setja upp einföld netkerfi, nota algengar stillingar og gera prófanir til að kanna virkni þeirra. Áhersla er lögð á að námsmenn séu í stakk búnir að viðhalda þekkingu sinni.
námsmaður skal hafa öðlast þekkingu og skilning á:
Eiginleikum netkerfa.
Netbúnaði og tengimöguleikum.
Aðferðum við villu- og bilanaleit í netkerfum
Hvar hægt sé að leita upplýsinga um umgengni, viðhald og notkun á netbúnaði.
námsmaður skal hafa öðlast leikni í að:
Setja upp einfaldar nettengingar í samræmi við verksvið.
Greina einfaldar algengar bilanir í netkerfum.
Framkvæma algengar stillingar og lagfæringar/breytingar á netkerfum í samræmi við verksvið.
námsmaður skal geta hagnýtt þá almennu þekkingu og leikni sem hann hefur aflað sér til að:
Forgangsraða verkefnum.
Meta árangur og skilvirkni úrlausna eftir framkvæmd verkefnis.
Nýta upplýsingatæki til að viðhalda þekkingu sinni og afla og miðla upplýsingum.
Leita lausna og vinna af skilvirkni við krefjandi aðstæður.
Greina og taka á eigin þörf fyrir símenntun.
Sýna vandvirkni og nákvæmni og nota verðmæti á hagkvæman hátt.
Lögð er áhersla á fjölbreyttar matsaðferðir í samræmi við viðfangsefni námsþáttarins hverju sinni. Viðmið fyrir eftirfarandi hæfniþætti í starfaprófíl eru lögð til grundvallar við námsmat: Sjálfstraust, Að vinna að lausnum, Natni og nákvæmni, Vöruþekking, Þrautseigja/seigla og Notkun upplýsingatækni. Einnig má hafa til hliðsjónar hæfniþættina: Ábyrg nýting og Starfsþróun og færniefling.