Bilanagreining, bilanaskráning, tæknileg vandamál, vinnubrögð, vörur og þjónusta.
Samþykkt af fræðsluaðila
2
10
Tilgangur námsþáttarins er að námsmenn þjálfist í bilanagreiningu. Námsmenn þjálfa vinnubrögð við að greina vandamál viðskiptavina við notkun þeirra á tæknibúnaði og hvar hugsanleg bilun liggur. Farið er í leiðir til að afla áreiðanlegra upplýsinga frá viðskiptavinum á jákvæðan og árangursríkan hátt og að greina á milli auka- og aðalatriða í bilanalýsingum. Þjálfuð er bilanaskráning, leit í gagnagrunnum að fordæmum og ákvarðanataka varðandi verkferla (gera sjálfur/vísa áfram).
námsmaður skal hafa öðlast þekkingu og skilning á:
Vörum og þjónustuframboði fyrirtækisins.
Verkferlum við bilanagreiningu.
Bilanaskráningu.
námsmaður skal hafa öðlast leikni í að:
Afla upplýsinga um tæknivandamál frá viðskiptavinum.
Skrá bilanir samkvæmt verkferlum.
Leita í gagnagrunnum að fordæmum.
námsmaður skal geta hagnýtt þá almennu þekkingu og leikni sem hann hefur aflað sér til að:
Greina þarfir viðskiptavina og koma til móts við þær með því að nota vöruþekkingu sína.
Greina einfaldar bilanir/villur sem orsakast af nokkrum algengum atriðum.
Greina milli aðal- og aukaatriða í bilanalýsingum.
Velja ákjósanlega lausn eftir að hafa vegið og metið kosti og galla.
Leysa algeng verkefni með hjálp upplýsingatækninnar.
Vinna sjálfstætt í samræmi við verksvið.
Fara yfir eigin verk og meta nákvæmni og frágang.
Lögð er áhersla á fjölbreyttar matsaðferðir í samræmi við viðfangsefni námsþáttarins hverju sinni. Viðmið fyrir eftirfarandi hæfniþætti í starfaprófíl eru lögð til grundvallar við námsmat: Að vinna að lausnum, Natni og nákvæmni, Vöruþekking og Notkun upplýsingatækni. Einnig má hafa til hliðsjónar hæfniþættina: Ábyrg nýting, Mat og lausnir, Söfnun og úrvinnsla upplýsinga og Starfsþróun og færniefling.