Ráðgjöf, almenn notkun hugbúnaðar/vélbúnaðar, leiðsögn, þjónusta.
Samþykkt af fræðsluaðila
2
10
Tilgangur þessa námsþáttar er að gera námsmanninn hæfan í að leiðbeina viðskipavinum um notkun á tæknibúnaði sem fyrirtækið þjónustar og veita almennar upplýsingar um virkni hans. Námsmaður þjálfast í að aðstoða viðskiptavini í gegnum síma eða á staðnum. Lögð er áhersla á þjónustu við viðskiptavininn þannig að hann fái úrlausn vandans. Námsmaður lærir að nýta sér þekkingu á vörum, verkferlum og starfsemi fyrirtækisins í þessum tilgangi. Jafnframt er fjallað um hvernig takast eigi við álag í starfinu. Lögð er áhersla á þolinmæði og tillitssemi þegar kemur að ráðgjöf og leiðsögn til viðskiptavina.
námsmaður skal hafa öðlast þekkingu og skilning á:
Vörum og þjónustu sem eru í boði hjá fyrirtækinu.
Þörfum og forsendum viðskiptavina.
Viðeigandi framkomu/framsetningu.
Persónulegum streituvöldum.
námsmaður skal hafa öðlast leikni í að:
Gefa ráð og leiðbeiningar á yfirvegaðan og viðeigandi hátt.
Meta þarfir og forsendur viðskiptavina.
Fara eftir ferlum og ákveðnu verklagi.
námsmaður skal geta hagnýtt þá almennu þekkingu og leikni sem hann hefur aflað sér til að:
Leiðbeina viðskiptavinum, til dæmis vegna tenginga eða uppsetninga.
Veita viðskipavinum ráðgjöf eða fræðslu um tæknibúnað og notkun hans.
Nýta vöruþekkingu til að mæta þörfum viðskiptavina.
Nýta námstækifæri sem leynast í daglegum störfum.
Vinna af skilvirkni í krefjandi aðstæðum.
Sýna í verki skilning á siðareglum og gildum vinnustaðarins.
Nýta verðmæti á hagkvæman hátt.
Lögð er áhersla á fjölbreyttar matsaðferðir í samræmi við viðfangsefni námsþáttarins hverju sinni. Viðmið fyrir eftirfarandi hæfniþætti í starfaprófíl eru lögð til grundvallar við námsmat: Að vinna að lausnum, Viðskiptavinurinn í brennidepli, Vöruþekking, Þrautseigja/Seigla, Þekking á starfsumhverfinu og Árangursrík samskipti. Einnig má hafa til hliðsjónar hæfniþættina: Jafnréttisvitund og Starfsþróun og færniefling.