Tilgangur námsþáttarins er að þjálfa námsmenn í samskiptum og framkomu. Megináhersla er lögð á árangursrík samskipti og er bent á leiðir til að þróa jákvæð tengsl við samstarfsfólk og viðskiptavini. Fjallað er um ákjósanleg viðbrögð við álagi og um áskoranir við margs konar aðstæður á vinnustað, til dæmis gagnvart einelti, kynferðislegu áreiti, mismunun og áföllum. Fjallað er um fjölbreytileika mannlífs, fordóma og heiðarleg samskipti og áhrif þessara þátta á samskipti. Þá er einnig fjallað um ábyrgð á eigin gerðum og afleiðingum þeirra, bæði jákvæðum og neikvæðum.
námsmaður skal hafa öðlast þekkingu og skilning á:
Mismunandi samskiptaaðferðum.
Jákvæðum og heiðarlegum samskiptum.
Fjölbreytileika mannlífs og eigin fordómum.
Áhrifum sjálfstrausts á eigin frammistöðu.
Algengum streituvöldum og viðbrögðum við þeim.
námsmaður skal hafa öðlast leikni í að:
Hlusta á virkan og fordómalausan hátt.
Tjá sig heiðarlega, með virðingu og nærgætni.
Eiga í góðum samskiptum við viðskiptavini og samstarfsfólk.
Bregðast við á viðeigandi hátt, jafnvel í erfiðum aðstæðum.
námsmaður skal geta hagnýtt þá almennu þekkingu og leikni sem hann hefur aflað sér til að:
Eiga í góðum og uppbyggilegum samskiptum við aðra.
Vera meðvitaður um fordóma, mismunun og fjölbreytileika mannlífs.
Sýna sjálfstraust í daglegum störfum sínum og hafa raunsæja trú á eigin getu.