Tilgangur námsþáttarins er að námsmenn þjálfist í að skrá í færnimöppu upplýsingar um eigin hæfni sem þeir hafa öðlast í námi, starfi, við að sinna áhugamálum, gegna trúnaðarstörfum og í einkalífinu. Í færnimöppu safna námsmenn einnig skrám og fylgiskjölum sem staðfesta hæfnina á einn eða annan hátt. Námsmenn fá einnig þjálfun í að búa til ferilskrá og fjallað er um mikilvægi góðrar ferilskrár við atvinnuleit.
námsmaður skal hafa öðlast þekkingu og skilning á:
Færnimöppu og gerð hennar.
námsmaður skal hafa öðlast leikni í að:
Skrifa lýsingu á eigin hæfni ásamt náms- og starfsferli í færnimöppu.
námsmaður skal geta hagnýtt þá almennu þekkingu og leikni sem hann hefur aflað sér til að:
Safna og halda saman gögnum sem lýsa og staðfesta hæfni hans í færnimöppu.
Setja upp ferilskrá á skýran og skilmerkilegan hátt.